Popular Bible Verses from GENESIS 28

Share

Ñoqam qanwan kachkani chaymi mayman risqaykipipas waqaychasqayki hinaspam kay allpaman kutichimusqayki. Manam saqesqaykichu, ñoqaqa qanman nisqaykunatam rurasaq —nispa.

Rikururqataqmi ladonpi sayachkaq Tayta Diostapas, paymi nirqa: —Ñoqaqa kani abueloyki Abrahampa hinaspa taytayki Isaacpa yupaychasqan Tayta Diosmi. Kay puñusqayki allpatam qosqayki miraynikikunamanwan.

Chaymi Jacob puñusqanmanta rikchariruspan nirqa: “Cheqappunim Tayta Diosqa kaypi kasqa, manam ñoqaqa yacharqanichu” nispa.

Chaypim Jacob prometikurqa kaynata nispan: —Dios Taytalláy, kay risqaypi waqaychawaspayki mikuytapas pachatapas qowaptikiqa chaynataq taytaypa wasinman hawkallata kutichiwaptikiqa qanmi kanki Diosniy. Chaymi kay sayachisqay suytu rumi kanqa Diospa Wasin. Lliw qowasqaykimantapas qosqaykim diezmota —nispa.

Chaymi miraynikikuna kanqa ñutu allpa hina mana yupay atina. Paykunam cheqenqa tukuy hinastinman chaymi kay pachapi llapallan ayllukuna bendecisqa kanqa qamrayku hinaspa miraynikirayku.

Chay lugartam suticharqa Betelwan, puntataqa chay llaqtapa sutinmi karqa Luz.