Popular Bible Verses from HECHOS 5

Share

Hinaptinmi wakin *f**apostolkunapiwan Pedro nirqa: —Runakunamanta puntataqa Diostam kasukuna.

Mana samaykuspankum sapa punchaw templopi hinaspa wasikunapi yachachiqku hinaspa Jesucristomanta willakuqku.

Hinaptinmi Pedro nirqa: —Ananias ¿imanasqamá *f**Satanasqa tanqaypaq-tanqaykusurqanki chakramanta pagasusqayki wakin qollqeta rakikuykuspayki Chuya Espirituta llullakunaykipaqqa? ¿Manachum chakraykiqa qampa karqa? Ña *f**rantikuruptikiqa ¿manachum qampa karqa chay qollqeqa? Diostam llullakurunkiqa, manam runakunatachu —nispa. Kayta uyariruspanmi Ananias qonqayta pampaman wichiykuspa wañururqa. Chaymi llapallan yachaqkuna anchallataña mancharikururqaku.

Chaymi nikichik, ama imanaychikchu kay runakunataqa, paykunataqa hawkallatayá dejaychik. Sichu yachachisqanku otaq imam rurasqanku runakunallamanta kaptinqa chinkarunqam. Diosmanta kaptinmi ichaqa imayna puchukarachiytapas mana atiwaqchikchu. Cuidakuychik, yanqañataq Diospa contranpi peleachkawaqchik —nispa.