Popular Bible Verses from Lucas 22

Share

Taytáy, munaspaykiqa kay ñakariymantayá libraykuway, ichaqa amayá ñoqapa munasqaychu kachun, aswanqa qampa munasqaykiyá, nispa.

ichaqa ñoqam qampaq mañakuruni, chaynapi iñiyniki mana pisinanpaq. Qamñataqmi ñoqaman kutirimuspayki iñiqmasikikunata kallpanchanki, nispa.

Chaymantam Tantata hapiykuspan Diosman graciasta qorqa, hinaspam parteykarispan nirqa: Kaymi cuerpoy qamkunarayku entregasqa. Kaytam qamkunapas ruwankichik ñoqata yuyariwanaykichikpaq, nispa.

Cenayta tukuruspanmi vinoyuq vasota hapiykuspan nirqa: Kay vasom yawarniywan ruwasqa musoq pacto, chaymi qamkunarayku chaqchusqa kanqa.

Payñataqmi llumpay llakisqallaña tukuy kallpanwan Diosta mañakurqa, chaymi sudorninpas yawar hinaraq pampaman suturqa].

Qamkunaqa manam chaynachu kanaykichik. Aswanraqmi qamkunamanta pipas puntapi kayta munaspaqa warma hina kanan, kamachikuqñataqmi servikuq kanan.

Hinaptinmi Jesusñataq nirqa: Pedro, kunanpunim manaraqpas utulu waqamuchkaptin reqsiwasqaykita kimsa kutikama negawanki, nispa.