Popular Bible Verses from Juan 4

Share

Diosqa Espiritum, chaymi yupaychaqninkunapas Espiritupa yanapasqan yupaychananku, Dios Taytaqa chayna cheqap yupaychanatam munan.

Ichaqa horam hamuchkanña, kunanmi ichaqa chayaramunña, cheqap yupaychaqkunaqa Taytatam Espiritupa yanapasqan hinaspa cheqappi yupaychanqaku. Taytaqa chayna yupaychaqninkunatam maskachkan yupaychanankupaq.

Ñoqapa yaku qosqay tomaqmi ichaqa manaña haykapipas yakunayachikunqachu. Chay yaku qosqayqa runapim pukyu hina rikurirunqa, chay pukyum toqyamuspan wiñay kawsayta qonqa, nispa.

Chaymi payta Jesús nirqa: Sichum yachawaq Diospa kuyakuyninta chaynataq yaku mañakusuqniki pim kasqanta, hinaspaqa paytachá mañakuwaq, hinaptinqa kawsachikuq yakutam qoykusunkiman, nispa.

Jesusñataqmi nirqa: Ñoqapa mikunayqa pim kachamuwaqniypa munasqanta ruwaymi hinaspa llamkayninta tukuymi.

Hinaptinmi chay warmiñataq nirqa: Señor, manataq yaku hurqonaykipaqqa imaykipas kanchu, kay pozoqa ukusum kachkan. ¿Maymantataq chay kawsachikuq yakutaqa qowankiman?

Chaymi warmiñataq nirqa: Yachanim Cristo nisqanku Mesías hamunanta, pay hamuspanmi lliwta willawanqaku, nispa. Hinaptinmi Jesusñataq nirqa: Kay rimapayaqnikim Mesiasqa kachkani, nispan.

Rispa qawamuychik, huk runam tukuy ima ruwasqayta niykuwan, ichapas payqa Cristo kayman, nispa.