Popular Bible Verses from Hechos 1

Share

Ichaqa Chuya Espíritu qamkunaman hamuptinmi atiyta chaskinkichik. Chaymi ñoqamanta willakunkichik Jerusalén llaqtapi, lliw Judea lawpi, Samaria lawpi hinaspa kay pachapa patankunakama.

Chaymi nirqa: Manam yachanaykichikchu imay tiempom otaq ima punchawmi kaykuna kanantaqa, Dios Taytallam atiyniyuq chay tiempota akllananpaqqa.

Lliw apostolninkunawan kachkaspanraqmi paykunata Jesús nirqa: Jerusalén llaqtamantaqa amaraqyá lloqsiychikraqchu, uyariwasqaykichikman hinayá Taytaypa promesan cumplikunanta suyaychik. Cheqaptam Juanqa yakuwan bautizarqa, ichaqa kay-kay punchawkunallapim Chuya Espirituwan bautizasqa kankichik.

Jesusmi kawsarimuspan tawa chunka punchawpuni rikurirqa apostolninkunaman hinaspam Diospa munaychakusqanmanta yachachirqa. Achka-achka kutipi sutillata rikurisqanraykum apostolkuna yacharqaku cheqaptapuni Jesuspa kawsarimusqanta.

Kaykunata niruptinñataqmi apostolninkuna qawachkaptinku Jesusqa hanaq pachaman hoqarisqa karqa. Puyu ukuman Jesús chinkaykuptinmi apostolninkunaqa manaña rikurqakuchu.

Cieloman hoqarikusqanta qawachkaptinkum paykunapa hichpanpi yuraq pachayuq iskay runakuna rikuriykurqa, hinaspam paykunata nirqaku: Galileamanta kaq runakuna, ¿imanasqataq cielota qawachkankichik? Jesusmi chawpikichikmanta hanaq pachaman hoqarikuchkan, imaynam wak qawasqaykichik hinallam kutimunqapas, nispanku.