Popular Bible Verses from Marc 13

Share

Bʉr ó sí bɨ́bɛ̂h, bé óbene bɨ́n ɨ́ lɔ̌b díé lâm. Sâ gwár, mʉr ngá dûhwo, tó pyâl ɨ́ mesíé nyá, ótiʼe.»

Bɨ̌n a bâʼ! Atô gá ɨ́ jô, ebě, bɨ̌n bé agʉ́ǎ jɔʼ yaá.

Bé ótô e bɨ̌n ɨ́ mempáh mílɔ̌b nó, asyɛl gá bá ɨ́ sá bɨ́n ngá lwib dʉ́o laá yɨ́. Bɨ̌n bé ólwib ó, lwǐb ngá pyâl bɨ́n ó, bɨ̌n lwíbɨɨ ɨ́ tyé yaá yɨ́, ebě, ntʉ bɨ́n ngá lwib. Sísǐm mé Nzyɛ̌m ó ngá lwib.

Kʉ́ e sí, byé ólaa. Milɔ̌b myâm míɛ, myé ákóʼó síe.

«Sâ gwár, mʉr, nyé agʉ́ǎ móhó nkʉ̂ ewala laá. Damá jóʼo bééngeles ɨ́ jʉ́o kʉ́, damá jóʼo Mwân mé Mʉr, njɨ Nzyɛ̌m Sɔ́ŋ nye omér.

Bɨ́n ójóʼo bʉ̂r lɨ́ elwilwib mílɔ̌b mi mɔ̂m le elɛ́ɛ mílɔ́ɔ́ mí dɔ̂m nó, bisɨ́ǎ byaá atɨ̂l bɨ́n mekʉ̌ sí, ebě, yé jala ó, byé nyɛ́ɛ pyâl. Damá jóʼo nó, ntʉ bísɨ́ǎ byaá ngá lɛ̂ʼle ésúʼlá é sí yɨ̂.

Nó, diʼee gá ɨ́ mpʉ̂n, ebě, bɨ̌n bé agʉ́ǎ jɔʼ mʉ̂r mbɛ̌r ngá pyâl yɨ́, nkʉ̂ ɨ́ bíí kʉ̌ʼ, nkʉ̂ témé pum, nkʉ̂ ɨ́ kúo esôʼ, nkʉ̂ ɨ́ melɔ́ma mé mɛ́n. Baʼaa gâ! Nye ámû jaá pyâl bɨ́n metwɨrâ, kœb bɨ́n ɨ́ bijô. Sá mé dí elɛ́ɛ bɨ́n yɨ̂, mě lɛ́ɛ́ yé ó, lɨ́ esú é mʉ̂r nyɨnyɛ̂h: diʼee gá ɨ́ mpʉ̂n.»

Yɨ̂ʼ kúl bʉ̂r, yé ólwímla e yʉ́ʉ́. Nyâʼ njwɨ́ɨ lwímla e nyʉ́ʉ́. Sí, yé ókubla; nza, nye ónyaŋla bígúmo bígúmo. Bisá bî, byé ónyɛɛ́ syɛ́ɛ. Náǎ yé óbe ó enyɛ̌l e mékpaa, nwɨɨla e mekpaa me mín.

Sá ésôʼ, yé jala ó, Mbɨambɨa Lɔ́ɔ nyɛ́ɛ túnɔɔ kwá bikúl bíbyɛ̂h.

Ebě, bʉr ɨ́ buo buo, bé ónzɨnze e díé lâm, lɨ́ elɨlɛ́ɛ ó: “Mɛm ó dí nye.” Bé ókʉ́a bʉ̂r ɨ́ buo buo.

«Nó, pɨrɨɨ gá mekʉ̌ sí. Bé ótô e bɨ̌n ɨ́ bʉ̌m nɨ́nɨ́ɨ́. Bé óŋmɛ̂h bɨ́n mingáhá ɨ́ mempáh mínjɨʼla. Bé ótô e bɨ̌n ɨ́ mempǒm me bʉ̂r onɨ́nɨ́ɨ́, le maá mé ójwɨ́ɨ ɨ́ lɔ̌b wâm, bɨ̌n nkʉ̂ boʼlǒ sá bɨ́n dí egʉ́a ɨ́ páʼ wâm yɨ́.

Ebě, okrîst o bíbɛr, bé ópipyâl, bé le ogwíha o mílɔ̌b o bíbɛr. Bé ósâ mésimá le bisá bí ékâm, lɨ́ esáa ékʉ́a bʉ̂r ó Nzyɛ̌m á twâr bá, yé óbána bé nó.

«Sâ gwár, ɨ́ melû maá, mítúú mínɨ̌, myé óbe, sí laa nó, dʉ́o, lé odíme, álomó akǎ pan. Ocwícwén, bé óduma, duho ɨ́ jʉ́o kʉ́. Bisá bí nkûl bínɨ́nɨ́ɨ́ bi dí ɨ́ jʉ́o kʉ́ bí, byé ólwɨ̂ʼlɨ.