Popular Bible Verses from Luc 4

Share

«Bɨ̌h e Sísǐm mé Nzyɛ̌m ó mû. Nzyɛ̌m á lœm me múlo ó, me tôʼ le etúnǒ Mbɨambɨa Lɔ́ɔ́ wé kwá baántéʼenteʼe o bʉ̂r. Nye á lómo me ó, me tôʼ le elɛ́ɛ míkómó ó, mí pɛʼɔɔ. Me lɛ́yɨɨ ntémé baá o dí e ntím bá ó, bé mû ó lɨ́ ebee. Me lɛ́yɨɨ baá o dí ejaʼra e mpêl bá ó, bɨ́ bírɔɔ. Me lɛ́yɨɨ bʉr bɨ́bɛ̂h ó, mbú Dâ Nzyɛ̌m á kɛʼ ó, nye ócwɨ́a e bʉr wɨ́, wɨ́ pyâl!»

Yésʉs ntɔ̂ʼ yala e né ó: «Heʼé, yê cɛmá ɨ́ Mekaná mé Nzyɛ̌m ó: “Dwéʼ Dâ, dí Nzyɛ̌m gǒ nyá, kûm. Go e dwé dúu, njɨ nye omér.”»

Yésʉs ntɔ̂ʼ lɛ́ɛ e né ó: «Yê cɛmá ɨ́ Mekaná mé Nzyɛ̌m ó: “Mʉr, nyé abe e nkul etiʼě njɨ ɨ́ lɔ̌b méde mé omér.”»

Yésʉs mû lwɨ́ŋlá e Sísǐm mé Nzyɛ̌m nɛ́ɛ: nye ntɔ̂ʼ duhǒ díbé Yɔrdên. Bé e Sísǐm mé Nzyɛ̌m ó b'á be ɨ́ lʉá.

Yésʉs nzě yala e né ó: «Heʼé, ebě, yê cɛmá ɨ́ Mekaná mé Nzyɛ̌m ó: “Ayɨ́ bóblǒ Dâ, dí Nzyɛ̌m gǒ nyá.”»

Ɨ́ jɔʼ sɔ́ŋ meleme á sil ebóblo nyé mimbi mímyɛ̂h yɨ́, nye ntɔ̂ʼ pʉʼa gúmó Yésʉs á be yɨ́, lɨ́ ebóno lʉ́ʉ́ dʉ́o.

Sɔ́ŋ meleme nzě nʉa nyé náǎ, nzě lɛ̂ʼle nyé mesí mɨ́mɛ̂h jɔʼ gwár. Nye nzě lɛ́ɛ e né ó: «Me ódwe gó nkul nyɨnyɛ̂h ɨ́ mesí mâʼ mɨ́mɛ̂h, le okúm le ogbaa o tɨ̂. Me á si boo dweŋɔɔ byé ó, me dwêʼ mʉr nyɨnyɛ̂h mé kpɛ̂l nyá. Gó bɨ́ʼ mébóó sí ɨ́ mpǒm nyǎm nó, bisâ bínɨ̌ bíbyɛ̂h, byê di byaá byô!» Yésʉs ntɔ̂ʼ yala e né ó: «Heʼé, yê cɛmá ɨ́ Mekaná mé Nzyɛ̌m ó: “Dwéʼ Dâ, dí Nzyɛ̌m gǒ nyá, kûm. Go e dwé dúu, njɨ nye omér.”»

Sɔ́ŋ meleme nzě báʼǎ nʉa nyê, nzě tô e né ɨ́ Yerʉ́zalɛm, nzě tyêl nyé ɨ́ mié mpáh Nzyɛ̌m kʉ́. Nye e né ó: «Yé bé go ó Mwân mé Nzyɛ̌m nó, lyáháa! Ebě, yê cɛmá ó: “Nzyɛ̌m ólómlo gó beéngeles bé, bé ónzě kamle e go.” Yê cɛmá ntémé ó: “Bé óbyɛɛle gó ɨ́ mebó mɔ́ɔ́. Sɨ́ǎ yaá ó kʉ̌ ngá be, abɨma gó lɨ́ ekóʼ yɨ́.”» Yésʉs nzě yala e né ó: «Heʼé, ebě, yê cɛmá ɨ́ Mekaná mé Nzyɛ̌m ó: “Ayɨ́ bóblǒ Dâ, dí Nzyɛ̌m gǒ nyá.”»