Popular Bible Verses from Yahaaya 14

Share

Jam accidanmi on, mi hokkan on jam am. Hanaa hano no duuniyaaru nduu hokkirta on, kokkiranmi on. To hakkillo mon ummoo, to kulee.

Iisa jaabii mo wi'i : —Miin woni laawol, miin woni goonga, miin woni mbuurnam duu. Walaa jehoowo to *Baabiraawo se tokkiraay to am.

Iisa wi'i *aahiiɓe mum : —To accee ɓerɗe mon mbona, ngoonɗinee Alla, ngoonɗinon kam, miin duu.

Balloowo oon, woni *Ruuhu Ceniiɗo, mo *Baabiraawo lildanta on dow innde am, kanko anndinta on kujje fuu. O miccintinan on ko kaalannoomi on fuu.

Annduɗo tilsinooje am, nden golliri ɗe, kam woni giɗɗo kam. Giɗɗo kam, *Baaba am hiɗan ɗum. Miin duu, mi hiɗan mo, mi wannganan mo.

Mi ŋaaroto *Baabiraawo hokka on Balloowo gom. O wondan he mooɗon faa abada. Kanko woni *Ruuhu goonga. Duuniyaaru nduu waawtaa jaɓude mo, ngam ndu hi'ataa mo, ndu anndaa mo. Amma onon, oɗon anndi mo sabu omo jooddii he mooɗon, o wondan he mooɗon.

Mi waɗanan on huune fuu ko eelirɗon innde am. Mi waɗan ɗum ngam *Baabiraawo teddinee sabu Ɓiɗɗo oon. Ko eelirɗon innde am fuu, mi waɗan ɗum.

—Se oɗon ngiɗi kam, on tokkan tilsinooje am.

Cuuɗi ɗuɗɗi no nder hoggo *Baaba am. Mi yahan toon, mi siryanoo on nokkuure. Se hanaa goonga non, mi haalantaa on ɗum.

Ndenne, nde mi siryanake on nokkuure, mi wartanan on, mi yaara on ngam to ngonmi fuu, ngonden.

Sey Tomas wi'i mo : —Joomam, min anndaa to njahataa. Noy min anndirta laawol ngol ?