Popular Bible Verses from لُکَ 14

Share

‏«‏غَرٛيْطٛ تٛ اَمْ فُو تٛ ٻُرَايِ يِطُکِيَمْ دٛوْ ݧَاکٛ مُوطُمْ اٜ مَدُوجٛ مُوطُمْ اٜ دٜبّٛ مُوطُمْ اٜ ٻِٻّٜ مُوطُمْ اٜ مَوْنِرَاٻٜ اٜ مِݧِرَاٻٜ مُوطُمْ ‑ حَا مَا اٜ يٛنْکِ مُوطُمْ، اٛ وَاوَتَا وَرْتُکِ تٛکُّطٛيَمْ؞

کٛو مٛيٜ تٛ حٛشَّايِ غَافَانغَلْ مُوطُمْ تٛکِّيَمْ وَاوَتَا وَرْتُکِ تٛکُّطٛيَمْ؞

نغَمْ مَوْنِنْطٛ حٛورٜ مُوطُمْ فُو اٛ لٜسْنٜتٜىٰطٛ، لٜسْنِنْطٛ حٛورٜ مُوطُمْ بٛو اٛ مَوْنِنْتٜىٰطٛ؞»‏

نٛنْ مَا، کٛو مٛيٜ تٛ سٜنْدِرَايِ اٜ کٛ وٛودِ فُو وَاوَتَا وَرْتُکِ تٛکُّطٛيَمْ؞

مِسَالُ، تٛ غٛطّٛ مٛوطٛنْ اٜ يِطِ مَحُکِ وُرٛ مَنْغٛ، اَيْ اَرَنْدٜ اٛ جٛوطٛتٛ تَوْ اٛ لِمَ کٛ اٛ مَجِّنْتَ، اٛ يِعَ کٛو اٜ مٛ وٛودِ کٛ حٜپَتَمٛ اٛ يٛتِّنَنْغٛ؞ تٛ نَاع نٛنْ، تٛ اٛ فُطِّي مَحُکِنغٛ اٛ وَاوَتَا يٛتِّنْکِنغٛ، غِعُطٛنغٛ فُو جَلَيْمٛ وِعَ، ‏‹‏رَا نٜطّٛ اٛعٛ فُطِّي مَحُکِ، اَمَّا اٛ وَاوَايِ يٛتِّنْکِ؞›‏

اَمَّا تَا وٛودِ حُمْتٛ، حُمْڤُتُ ٻٜ نغَلَنَا، اٜ جَرَاٻٜ، اٜ غُرْغُعٜنْ، اٜ وُمْٻٜ؞ طُمْ بَرْکِطِنْتٜ، نغَمْ ٻٜ مبَاوَتَا وَاتَنْکِمَ کٛ نغَطَنْطَاٻٜ؞ اَللَّه وَاتَنْتٜ ݧَلْندٜ جَانغٛ، ݧَلْندٜ ندٜ اٛ اُمِّنْتَ مَيْٻٜ غَطُٻٜ جٛنْدٜ وٛوطُندٜ؞»‏

‏«‏لَمْطَمْ طُمْ فِي بٛطُّمْ، اَمَّا تٛ بٜلْطُمْ مَاجَمْ اِتَّکٜ، کٛ وَرْتِرْتَ بٜلْطُمْ مَاجَمْ؟ وَلَا کٛ طَمْ وَطٜتٜىٰ؞ طَمْ نَفَتَا غٛطُّمْ، سٜيْ نِ طَمْ رُفٜىٰ؞ غٛودُطٛ نٛڤِّ نَنٛوجِ فُو نَنَ!‏»‏