Popular Bible Verses from Ntandiliko 32

Share

Ayula munu nkunnyaulila Yakobo kuchidoni, “Wako ukambechemwa kavila Yakobo, ila ùmbechemwa Isilaeli, kwa kuva ùnishindana na Nnungu na vanu, na wako ùnivalema.”

Anepo ayula munu nkunnyaulila Yakobo kuchidoni, “Ndeka nguuke, kwa kuva uhiku ùvenkucha.” Henga Yakobo nkunnyang'ula kuchidoni, “Nikambekuleka mwiko, mpaka ungubaliki.”

Yakobo nkwisalila chihi weka. Bahi nkwida munu yumo, nkuyalahana na Yakobo mpaka kulyamba.

Yakobo nkupachema pachinu anepo “Penueli,” kwa kuva áhawile kuchidoni, “Nangu nìmmwene Nnungu meho kwa meho, henga umi wangu nanga pautwaliwije.”

Ayula munu pawene kuva nanga pahulula kunnema Yakobo, bahi pavachiyalahana ayula munu nkukwaha inyonga yanga Yakobo, na aneyo inyonga nkuteneng'uka.

Ayula munu nkummuja Yakobo kuchidoni, “Wako lina lyako nnani?” Yakobo nkunnyang'ula kuchidoni, “Yakobo.”

Bahi Yakobo nkuchidoni, “Chonde ngùyuwa unguhaulile lina lyako.” Henga nang'e nkummuja kuchidoni, “Ing'anya ntwani ùnguuja lina lyangu?” Bahi nkum'baliki Yakobo.

nangu wala nikáfala kananga kadiki kupwechela uwambone ungutendedile na ikulupiki yundangujije nangu ntumishi wako. Panguyombweke muto wa Yoludani, nangu ngúvele chihi nanga chinu ila isimbo weka, henga vino ngùvele na matunji mavili la vanu vohe na anyama.

Njo mana mpaka nelo Vaisilaeli nanga pavalya nnanga wa muinyonga, kwa kuva, ayula munu ánkwahije Yakobo pamalundilo la chiya, munnanga wa inyonga yake.

Bahi Yakobo nkunnyuwa Nnungu wachidoni, “Wako Nnungu wa anakulwangu Iblahimu na wa atatangu Isaka! Wako Yahwe unguhaulidîle nguuye nchilambo changu kwa alangavangu, na kunguahidi kungutendela lambone

Vino ngùyuwa ungupohe kuhaloka mmakono la nkulwangu Esau, kwa kuva, ngùyopa kuva achiaide unanguwalala nangu na ajavangu pamo na anavangu.