Popular Bible Verses from Matayo 6

Share

Nae mutaangire mberi ohukoonya Obwaami bwa Nasaae alala neende obwoolerefu bwae; mani ebiindu biindi bidoong'ere ebyo byoosi aba yahababerese.

“Sakira, muteelalihiraanga hulw'ebiindu binaakweeo muchuli; olwohuba, buli ludaalo luli neende ebidinyu byalwo ebilumala.

“Sakira mbaboolera sino endi, mutelalihiriraanga hu byohulya oba eby'ohung'wa, kata bi mweenya mu bulamu bweeng'we oba engeri y'ohweefwaaliramo. Obulamu bw'omuundu neende ebyohulya, oba omubiri kw'omuundu neende eby'ohwefwaala, siina esihira esiindi?

Nae ewe nooba n'osaba esaala, yingiraanga weyikalira mu nyuumba yao, hu osabe esaala eyiri Nasaae Lataao otabonehana. Mani, Nasaae Lataao oyo, obonaanga ebyeehola mu syaama, niye oba achia ohuhuberesa omukabo kwao.

Mani yino niyo engeri yimuhoyere ohulaamiramo: Seefwe oli Muukulu; eliita lyao lifumisibwe. Obwaami bwao bwiiche; byoodaha biholwe, mu syaalo, koti lu biholwa Muukulu.

Tuberese enyaanga yino, ebyohulya byeefwe bya buli ludaalo

Tuleheremo ebyonoono byeefwe, koti lu huleheramo abo abatuholera bubi.

Otatuyira mu huteemwa, nae tuwonie mu bubi.”

Olwohuba, nimuleheramo ababaholera obubi, nilwo lu Seeng'we oli Muukulu yesi aba achia ohubaleheramo.

Mubonereho hu mayoni, haba sikataaka oba kata kakesa kabuunga mu byaaki, ohutusaho Nasaae Seeng'we wo Muukulu, niye okaliisaanga kanyala ohubaao amalamu! Nae eng'we, simuhirira elalira amayoni?

“Mutabiihaanga obuyiinda bweeng'we mu syaalo muno, yi masiriri neende emberebeende binyala ohunyaasa, haandi neende yi banyaka bosi banyala ohwiingirira baabiiba. Nae, obuyiinda bweeng'we, mu bubiiheenge Muukulu yi masiriri neende emberebeende, bitanyala ohubunyaasa, kata neende yi banyaka batahanyala ohwiingira beeba. Olwohuba, yi buyiinda bwao buba, niwo yi mwooyo kwao kuba.

“Abulao omuundu onyala ohuhalaabanira abaami babiri. Aba achia ohuheera mulala nae asyuule owuundi, oba awulire mulala nae alekeerese owuundi. Haba soonyala ohuhalaabanira Nasaae haandi esiha syeene esyo waahalaabanira ‘mamoni.’ ”

Mani nimubona muti eyo niyo engeri yi Nasaae afwaaliramo ebimuli bibaao sa enyaanga yino, nibuhya muchuli nibyooma, bisaambwa mu muliro, mubaasa muti Nasaae oyo saanyala ohubafwaasa ohuhiraho ebimuli ebyo, eng'we ab'efukiirira ndiidi?

Nae eng'we nimuhoonya omumanani esiindu syoosi, omwiicha wao mweene, atamanyaangaho syooba nooholere, hu bulaanu, obuhoonyi bwao obwo, bunyale ohudoong'a obwomu syaama. Ao bulaanu Nasaae wao, obona byooba nooholeere mu syaama, aba omweene yahahuberese omukabo kwao.

“Nimuhola esiindu silai, mweliindeenge obuteniinia mu moni w'abaandu, nimweekesa ebilai bi muba nimuholere. Olwohuba nimuhola mutyo, haba simuba muchia ohunyoolaho omukabo kwoosi ohutula eyiri Seeng'we oli Muukulu.

“Nae nimuli mu husiiba, mutabiyiirisaanga koti lu beebachirisi baholaanga. Bahweesaanga obweeni bwaabwe mbwe hu baandu bamanye bati bali ohusiiba. Mbaboolera obwadyeeri endi mu ngeri eyo, bamala ohunyoola omukabo kwaabwe kwoosi. Nae eng'we nimuli mu husiiba, mweebaheenge amafuta hu mitwe, haandi mwetereesa mu bweeni mwosi, abaandu bahaya ohumanya bati muli ohusiiba; mani Nasaae weeng'we obonaanga ebyeehola mu syaama niye oba achia ohubaberesaanga omukabo kweeng'we.