Popular Bible Verses from Matayo 18

Share

Olwohuba, yi baandu babiri oba badatu baba nibahung'aaniire mu liita lyaange, ao mba ndiwo akati waabwe.”

Haandi mbaboolera endi, babiri hweeng'we hu syaalo, nimufukiirisania hu siindu syoosi si musaba, Laata yaange oli Muukulu achia ohubaholeraanga esyeene esyo.

Yesu yalaanga omwaana muyere yaamweemesa akatikaati waabwe, mani yaaboola ati, “Mbaboolera obwadyeeri endi, haba simuchia ohwiingira mu bwaami bwo Muukulu ohutusaho nimwekaluuhaanie mwaaba koti abaana bayere.

Omuundu muloonga koti omwaana wuno, niye ohiramo abaasye oluyaali mu bwaami bwo Muukulu.

Haandi oyo yeesi owaakaanira omwaana muyere koti wuno mu liita lyaange, aba yanjakaaniire.

“Mbaboolera obwadyeeri endi, buli si munahayaanga hu syaalo, sichia ohuhaywaanga Muukulu, haandi buli si mufukiirira hu syaalo, sichia ohufukiirirwaangwa Muukulu.

Olwo nilwo lu Laata yaange oli Muukulu achia ohuholera buli muundu hweeng'we, nimutaleheramo abasyeeng'we neende emyooyo kyeeng'we kyoosi.”

“Nae omuundu yeesi okera mulala hu bayere baafukiiriramo bano yonoona, ahoyera ohuboywa mu kosi okukina kuhoongo muno, mani yaasukunwa ebusiba w'enyaanja yeebira.

Nae mubaasa mutye? Omuundu naaba neende amakoondi emia ndala, mani ekoondi lala hu ako lyaakota, siyahaleha ao amakoondi kaandi amahumi kataanu-na-kane neende kataanu-na-kane ako, hu ndulo w'olugulu, mani achia akoonya lala liba nilikotere elyo?