Popular Bible Verses from Luka 6

Share

mukabeenge abasyeeng'we, hu mwesi munyale ohukabwaanga; mu sikero silai, esisinyiirwe muno, syadengaanisibwa, syediha aasi, sichia ohubabereswa mu mahono. Olwohuba esikero simubereseramo abasyeeng'we, nisyo mwesi si muba muchia ohukalusirwamo.”

Omuundu mulai, niyeemere hu biindu bilai biyabiiha mu mwooyo kwae, ahola ebiindu bilai, nae omuundu mubi, niyeemere hu biindu bibi biyabiiha mu mwooyo kwae, ahola sa ebyonoono; olwohuba, omunwa kwae kulomaloma ebiindu byeechula mu mwooyo.

Nae muheereenge abasuku beeng'we, haandi mubaholereenge ebilai, haandi mubeyoseenge nimutasuubira ohubanyoolaho esiindu syoosi; mani omukabo kweeng'we kuba kuchia ohuba omuhoongo, haandi muba muchia ohuba abaana ba Nasaae w'Aakulu Muno; olwohuba omweene oyo w'esisa eyiri abo abatasiima neende abeemani.

Mubecheenge abeesisa, koti lu Seeng'we ali ow'esisa.

“Mutaheengeraanga abasyeeng'we emisaango, hu mwesi muhaye ohuheengerwa; mutaayasaanga abasyeeng'we, hu mwesi muhaye ohuyaaswa; mulehereenge abasyeeng'we, hu mwesi munyale ohuleherwaanga

“Nae ese mbaboolera eng'we abali ohuwulira endi, Muheereenge abasuku beeng'we, muholereenge ebilai abo ababasyuula, mubereseenge ehabi abo abababwaaba, haandi musabireenge abo ababanyeka.

Haandi koti lu wahadahire abaasyo bahuholere, nilwo wesi lwooba obaholere.

Oyo ohupaama hu tama, mubereseenge etama liindi lyosi; nae oyo ohumalaho ekooti, otamwimaanga kata esaati lyao. Beresaanga buli muundu yeesi ohusaba esiindu syoosi; nae oyo ohumalaho ebiindu byao, otamusabaanga ahukalusire haandi.

“Olwohuba abulao omusaala mulai okwamaanga ebyaamo bibi, kata haandi omusaala mubi okwamaanga ebyaamo bilai

olwohuba omusaala kwoosi kumanyihaniraanga hu byaamo byakwo. Olwohuba enduli haba sichinokwaanga hu musaala kw'amawa, kata emisabbiibbu haba sikinokwaanga hu misaala choomubichaha.