Popular Bible Verses from Matei 5

Share

Wala ntu'pu' mundu ywakoya kimuli na kukiwi'ki'lya mukitu'ndu', ila, aakibi'ka patu'ndu'bau li'nga kipiye bweya kwa bandu boti bababile nnyumba. Nyinyonyo namwenga, bweya winu upalikwa umulike kwa bandu li'nga bagabone manogau gamugapanga, nabembe baalumbe Tati' binu bababile kunani.

“Mwenga nga mwabweya wa padunia. Nsengo wausengilwe pakitu'mbi' wiyanikwa lili.

Nantali anoga mwoyo, kwa mwanjaa baalu'a kummona Nnu'ngu'.

Nantali bene njala na nnyota yo panga gapala Nnu'ngu', kwa mwanjaa baalu'a yukutiyilwa.

Lakini nenga nimmakianga panga mwapende andumu binu na kwalu'bya babantesa.

“Nantali bababile aki'ba ba loo, kwa mwanjaa Ukulungwa wa Kunani wabe.

Nantali ya balu' babaleta amani, kwa mwanjaa baakemelwa bana ba Nnu'ngu'.

Nantali babanyopa, kwa mwanjaa Nnu'ngu' alu'a kwapembeya.

Nantali babateselwa kitumbu so panga mwapala Nnu'ngu', kwa mwanjaa Ukulungwa wa Kunani wabe.

Nantali bababile na kiya, kwa mwanjaa baabi'ki'lwa kiya.

“Nantali yinu mwenga bandu pabaalu'a kuntukana, kunku'su'mbwa na kunku'pi'ki'a malau goti kwa kitumbu sangu'. Munapusike no luluta, kwa mwanjaa mubi'kilwe upo yinu ngu'lu' kunani. Nnyo, ngamwabaatesike alondoli ba masu'ba ga nsu'gu'.

Nantali babaliyaa, kwa mwanjaa baalu'a kuilisi dunia yoti.

“Mwenga nga kati mwinyo kwa bandu boti, lakini mwinyo mana wobiye kilyi'lyi' sake, ulu'a kuuyi'ya namani uki'li'bu'ye kilyi'lyi' sake? Upwaikali ata pasene, waigala taikulwa kuundi no li'batilwa na bandu.

Kwa nyo, mupange mwatimya, kati mu'lu' Tati' binu ba kunani mwababile atimya.”

Ila pamulongela, mupalikwa longela kakape. ‘Elo,’ yinu ipange kakape ‘Elo’, na ‘Lili’ ipange kakape ‘Lili’. Sakiyongeya po kibu'ka kwa yu'lu' nnau Ibilisi.

“Muyu'wine panga ibayilwe, ‘Liyo kwa liyo, na lino kwa lino.’ Lakini nenga nimmakianga kanemubukiye, maakau kwa maakau. Mana mundu akuku'mbwi mbande muligomo lya mmalyo, unng'alambukiye na ligomo lya nki'ya.

Manaitei liyo lyako lya kummalyo likupanga upange sambi, uliyokwe na kulitaikulya kuutalu. Nantali obeya kikowe simo mu yi'ga yako, kulikoni yi'ga yako yoti taikulilwa kumwoto wangayomoka. Kai', nyinyonyo na luboko lwako lwa kummalyo, mana kalukupeleka musambi, ulukate na kulutaikulya kuutalu. Kwa mwanjaa nantali obeya kikowe simo muyi'ga yako kulikoni yi'ga yako yoti taikulilwa ku mwoto wangayomoka.