Popular Bible Verses from Luka 11

Share

Kati mwenga mwamubile mwalau, mumanyi kwapeya bana binu ikowe inannoga, nga munomuno tati' binu ba kunani, balu'a kwapeya Loo Mpeleteu balu' babannu'ba.”

Kwa nyo, nimmakianga mulu'be namwenga mwapeyelwa, mupale namwenga mwapata. Mupange u'li, namwenga mwayu'gu'li'lwa.

Kwa mwanjaa ywoywoti ywalu'ba ngaywapeyelwa, ywapala ngaywapata na ywapanga u'li, ngaywayu'gu'li'lwa.

Yesu aabakiye, “Pamulu'ba Nnu'ngu' mubaye nnyanya, ‘Tati' bitu mwamubile kunani, Lina linu likwi'yi'lwe, Ukulungwa winu wise.

Mutusami masambi gitu, kati twenga mwatwasamya babatukosile, kai' kanemutuyi'ngiye mumakowe ga kutupaya.’”

Mutupei kilyo situ sa kila lisu'ba.

Liyo lyako nga kyenge sa yi'ga yako, mana libile likoto, yi'ga yako yoti yalu'a ba mubweya. Liyo lyako mana libile litu'lu'ka na yi'ga yako na yembe ilu'a ba mulubi'ndu'.

“Ntu'pu' mundu ywakoya kimuli kukibi'ka mmu'ngu' au mukitu'ndu', ila akiu'bu'ya kunani, li'nga bandu babayingya nnyumba bapate kuubona bweya.