Popular Bible Verses from yohane 21

Share

ataveisi ne micu acʉhʉ oepʉngʉ, isi tuocosi to iesu 'o saimong petelo : <oko to yohane saimong , na lako hia ngohia a'o mio tosa'ohe tamo ma'maica?> isi yut'inga: <nooe'oca, 'aos'o, osko cohivi la'u ngohia suu.> yainca to iesu: <teko p'ooyoskui 'e okono moatʉ'nʉ'u.> isi i'vaha tuocosi to iesu: <oko to yohane saimong , osko ngohia a'o?> isi yut'inga: <nooe'oca, 'aos'o, osko cohivi la'u ngohia suu.> mi'usni to iesu ho yainca: <teko aʉt'ʉca 'e moatʉ'nʉ'u.> isi i'toteuha tuocosi to iesu: <oko to yohane saimong , osko ngohia a'o?> maica ho isi acngucnguha i'toteuha tuocosi to iesu 'o petelo ho yainca <osko ngohia a'o> micu aha'o nac'o, mi'usnu to iesu ho yainca: <nooe'oca, uk'a ci osko o'te cohivi, osko cohivi la'u ngohia suu.> yainca to iesu: <teko p'ooyoseʉi 'e moatʉ'nʉ'u.

te'o bumemeala eʉsvʉta suu, ne mosun'a haah'o, mosula iachi smoeputu to snoeputa, maino koyu ho biyavovei; at'inghi ho takocu mameoi, takola hoʉsʉzneni si emucusu, tahela seo'eisi no mocmo, ho e'usna no o'a teko 'ucia usa.>

yainca to iesu: <to'seni ta vhona ta 'apangʉ si keʉpʉ, 'apanto yoskʉsi.> ihecu to'seni 'o keʉpʉ, at'inghi o'aihe ev'ohi esifova, maica homo angu man'i 'o isi tolʉi ci yoskʉ.

isi mi'usni to saimong petelo ho yainca: <te'on'a tokeʉpʉ no yoskʉ.> acʉhʉ mainca: <temia to'ofeihni suu.> micu acʉhʉ yuyafo, smo'apangʉ; at'inghi cono feʉngna uk'a ci isi maka tolʉi ci cuma.