Popular Bible Verses from Mateo 15

Share

Pero atquiztan ulanñi chiitaqui kuzquiztan tjonc̈ha. Jalla nii z̈oñz̈quiziqui uj cjesac̈ha. Kuzquiztanpanz̈ ulanc̈ha tiz̈tanaca, ana wali pinsisnacaqui, niz̈aza z̈oñi conzqui, niz̈aza adulteriuquiz ojklayzqui, niz̈aza yekja maatakz̈tan z̈ejlzqui, niz̈aza cusasanaca kjañzqui, niz̈aza toscar taku chiizqui, niz̈aza ana wal taku joojoozqui.

Anaz̈ zawnctan kjuylchuc z̈oñz̈ atquiz luzñiqui uj cjesac̈ha z̈oñz̈quiziqui. Antiz z̈oñz̈ atquiztan ulanñi, jalla niiz̈ uj cjesac̈ha z̈oñz̈quiziqui.

“Tii z̈oñinacaqui atz̈tankaz wejtquiz rispitc̈ha. Pero tinacz̈ ultim kuzzti wejtquiztan az̈quinc̈ha. Niz̈aza wejr anaz̈ rispitc̈ha. Tinacaqui inakaz wejtquin custurumpi paac̈ha. Tinacz̈ tjaajintanacaqui z̈oñiz̈ mantitakazza”.

Jalla nekztanaqui Jesusaqui cjichic̈ha: —Cullacalla, walja Yoozquin kuzzizamc̈ha. Jaknuz̈um am pecc̈haja, nuz̈oj cjila. Jalla nii orapacha naaz̈a majtqui z̈ejtchi cjissinc̈ha.

Pero naa maatak z̈oñqui macjatz̈quichinc̈ha, niz̈aza niiz̈ yujcquiz quillzinc̈ha, tuz̈ cjican: —Wejt Jiliri, wejr yanapt'alla. Nekztan Jesusaqui naaquiz cjichic̈ha: —Maatinacz̈ t'anta ana kjañasac̈ha, pawcz̈quin tjaazjapaqui. Jalla niiqui ana wali cjesac̈ha. Jalla nuz̈ chiiz̈inta cjenami naaqui cjichinc̈ha: —Jesalla, wejt Jiliri. Pero pacunacami patrunaz̈ mizquiztan tjawkzi c̈hjerilla lujlc̈ha.