Popular Bible Verses from Juan 8

Share

Wiruñaqui Jesusaqui z̈oñinacz̈quiz wilta paljaychic̈ha, tuz̈ cjican: —Wejrqui tii muntuquiz z̈ejlñi z̈oñinacz̈quiz zuma kamaña tjeeznuc̈ha, tsjii kjanaz̈takaz. Jakziltat wejt kamañ jaru kamac̈haja, jalla niiqui anawal zumchiquiz anaz̈ kamaquic̈ha. Niz̈aza nii zuma kamañchiz z̈oñinacac̈ha wiñaya Yooztan kamñinacaqui.

Niz̈aza Yooz takuc̈ha ultim weraraqui, nii zizaquic̈ha. Jalla nuz̈ werara zizcu liwriitaz̈ cjequic̈ha.

Jalla nekztanaqui Jesusaqui niiz̈quiz criichi judío z̈oñinacz̈quiz cjichic̈ha: —Anc̈hucqui weriz̈ chiita tawkquiz tjapa kuztan tjurt'aquiz̈ niiqui, ultim werara wejt partir z̈oñinaca cjequic̈ha.

Jalla niz̈tiquiztan anc̈hucqui Yooz Majchiz̈ liwriita cjequiz̈ niiqui ultim werara liwriita cjequic̈ha, Yooz kjuychiz famillquiz cjisjapaqui.

Pero ninacaqui tirapanz̈ Jesusiz̈quiz pewcnatc̈ha, “Am, ¿kjaz̈um cjii?” cjican. Jalla nekztan Jesusaqui zumpacha acha waytiz̈cu, ninacz̈quiz cjichic̈ha: —Anc̈hucaquiztan jakziltapiriz̈laj ana ujchiz, niiqui primiru taa maatak z̈onaquiz maztan c̈hajczkazza.

Jesusaqui ninacz̈quiz cjichic̈ha: —Anc̈hucaquiz weraral chiyuc̈ha. Jakziltat uj paacan kamc̈haja, jalla niiqui ujz̈ mantuquiz kamc̈ha.

Jalla nekztanaqui Jesusaqui wilta acha waytichic̈ha. Anaz̈ jecmi z̈elatc̈ha. Naa maataka alajakaztac̈ha. Nekztan naaquiz cjichic̈ha: —Cullaca. ¿Jakziquin amquiz uj tjojtunñi z̈oñinacajo? ¿Ana jakziltami am castiqui atchikaya? Naa maatak z̈onqui cjichinc̈ha: —Wejt Jiliri, anaz̈ jakziltami wejr castiqui atchic̈ha. Nekztanaqui Jesusaqui naaquiz cjichic̈ha: —Wejrmi anal am ujquiztan casticac̈ha. Jaziqui oka amqui, anam iya uj paaquic̈ha. —Nuz̈ pertunchic̈ha Jesusaqui.