Popular Bible Verses from Yohanes 14

Share

Katinonto rara Kudekei ka komiu, haitumo katinonto nu raraKu mboto. Bo anu Kudekei ka komiu haitu ledo nasimbayu nte anu nidekei nu dunia nadaa ka komiu. Jadi nee masusa raramiu, nee maeka.

Nesana i Yesus, “Yakumo hii dala, Yakumo nompopaisani anu nakana bo Yakumo nombadekei katuvua nabelo. Ledo ria saitoa mamala makava ri ngayo nTuamaKu ane ledo ante Yaku.

Nanguli i Yesus ka ana-anaguruNa, “Nee masusa raramiu. Parasayamo Alatala, bo parasaya munimo Yaku.

Tapi ane Nosa Gasa nu Alatala makava, rapatudukiNa ka komiu mpengaya-ngaya bo rapopatoraNa ka komiu pura-pura anu nitesaKu ka komiu. Apa Iamo Topetulungi anu ratudu nTuamaKu manjambei Yaku.

Isema-sema mompariara bo mangoseaka parenta-parentaKu, iamo nompotove Yaku. Bo isema-sema nompotove Yaku, ia muni rapotove nTuamaKu, bo Yaku mboto mompotove ia bo mompopaisani karoKu ka ia.”

Bo Kuperapi nte TuamaKu ala radekeiNa ka komiu Topetulungi ntanina, anu maroo nte komiu sampe ri kasae-saena. Topetulungi haitumo Nosa Gasa nu Alatala anu mompopaisani anu nakana ka komiu. Tona ri dunia hitu anu ledo nomparasaya, ledo mamala mantarima Ia sabana ledo nikitara Ia bo ledo nosisani ante Ia. Tapi komiu nosisani ante Ia sabana Ia nosanggani-nggani ante komiu sii-sii, bo domo masae Ia monturo riara ntaimiu.

Bo nuapa-nuapa raperapimiu sabana komiu topangoseaka Yaku, kana Kupovia ka komiu, ala rakita ntona kaoge nTuamaKu. Nuapa-nuapa raperapimiu sabana komiu topangoseaka Yaku, kana Kupovia ka komiu.”

“Ane komiu nompotove Yaku, raoseakamiu parenta-parentaKu.

Ri banua nTuamaKu naloga ponturo. Yaku hau mompakasadia ponturo ka komiu. Ane ledo ivesia, natantumo Kuuli ka komiu.

Bo maupu Yaku hau mompakasadia ponturo ka komiu, Yaku kana manjili tumai mombatomunaka komiu ala ri umba Kuponturo, ri sia muni raponturomiu.

Nangulimo i Tomas ka Ia, “Pue, ledo nisani kami hau ri umba rakalauMiu. Jadi berimbamo rasani kami dala hau?”