Popular Bible Verses from Mathiơ 16

Share

Chòp Yàng Jesu đơs mơ ală cau bơtê lah: “Dilah cau lơi kòñ jat Añ, gen pơndang sang tĕ să he, tui chi pơng he mơ jat Añ.

Mơ Añ kung đơs mơ mê lah: mê la Pier, Añ rơp bơt bơtào Hìu Jum Goh Añ hơđang lŭ klềr do, ală mpồng lơgar làng ƀồc ò geh pha rlau mơ Gơ.

Añ rơp jào mê in kai mpồng lơgar đang trồ. Bơta lơi mê kơt tòm ù gen kung rơp kơt hơđang trồ sơl, mơ bơta lơi mê hồ tòm ù gen kung rơp geh hồ hơđang trồ sơl.”

Bơh cau lơi kòñ dong klàs bơta kis he gen gơ rơp roh, ai cau lơi tài bơh Añ mơ roh bơta kis he gen rơp bàn wơl.

Dilah cau lơi geh jơh dunnia mơ roh hwềng soàn he, gen gơs ñchi kwơ cau hơ̆ in taih? Hala ñchi ai nàng tòmgơl mơ hwềng soàn he taih?

Kơnràñ đơs lah: “Ai bol mê gen đơs Añ la ñcau taih?” Simôn Pier ho lah: “Kơnràñ la Bơtau Krist Kòn Yàng Tom Trồ gam kis sùm.”

Yàng Jesu đơs mơ khai lah: “Ơ Simôn kòn Jôna, lơngai mê in, bơh ò di poac mơ mhàm yal tơlik mê in git bơta do ò, mơya hơ̆ la Bèp Añ ơm hơđang trồ.