Popular Bible Verses from Malaci 3

Share

Cèng tĕ jơh ală pơnah jơt tơmut tòm hìu đam, tồ gơs phan sa tòm hìu Añ. Lòng tĕ Añ tòm bơta do,” Yàng Jehôwa Gơnap Gơnoar Dờng Làm Jơh đơs behơ̆. “Mơ sền dilah Añ ò pò ală mpồng dềt hơđang trồ bol mê in, mơ tuh bơta lơngai lơngò oă ngan bol mê in, tian gơs ò tang tiah prap tai!

Añ rơp lah pơrhơng srah nting nàng gơ ò sa tơnroh ală plai đo bơh ù bol mê dê; mơ ală tòm ño tòm ală suơn bol mê dê rơp ò rung plai gơ dê lài mơ tŭ tus kơnhai pic plai,” Yàng Jehôwa Gơnap Gơnoar Dờng Làm Jơh đơs behơ̆. “Gen jơh ală làng bol rơp kòp bol mê la gơs lơngai, bơh bol mê rơp la dô nơm lơgar hòn chò hừh hơh,” Yàng Jehôwa Gơnap Gơnoar Dờng Làm Jơh đơs behơ̆.

Yàng Jehôwa Gơnap Gơnoar Dờng Làm Jơh đơs lah: “Bol khai rơp gơrê bal mơ Añ, tòm ngai tòm tŭ Añ lơh gơlik gơs, hơ̆ la sre brê krơi is Añ jê. Añ rơp pơlai bol khai kung be mè bèp pơlai ală kòn bol khai dê la cau duh broă bol khai. Mơ dô dơ̆ tai bol mê rơp gŏ bơta krơi is digùl cau song ring mơ cau iơh bơsak, digùl cau duh broă Yàng Tom Trồ mơ cau ò duh broă Kơnràñ.”

“Do, Añ sồr cau kong sồr Añ jê, khai rơp rcang wàs gùng di đap Añ, mơ Yàng Jehôwa mơ bol mê jòi jat rơp nisơna tus tòm hìu duh khoai Kơnràñ dê. Hơ̆ la cau kong sồr bơta ho bal dê rơp tus, la cau mơ bol mê niam nùs, ngan Kơnràñ lòt tus, Yàng Jehôwa Gơnap Gơnoar Dờng Làm Jơh đơs behơ̆.