Popular Bible Verses from Jang 19

Share

Tŭ Yàng Jesu neh liap dà sràt hơ̆, gen đơs lah: “Sir rau.” Gen Kơnràñ kun bồ mơ tơlik hwềng.

Tơnơ̆ mơ hơ̆ Yàng Jesu git ală broă neh sir rau, tồ jơnau Sră Goh in gơlik di ngan, gen đơs lah: “Añ tơhìr dà.”

Yàng Jesu gŏ mè Kơnràñ, mơ cau bơtê Kơnràñ kòñ gơboh ntào rềp, gen đơs mơ mè lah: “Ơ mè, do la kòn mè dê!” Chòp Kơnràñ đơs mơ cau bơtê hơ̆ lah: “Do la mè mê!” Bơh jơ hơ̆, cau bơtê hơ̆ rò mò rê tòm hìu khai dê.

Mơya dơ̆ lòt tus di Yàng Jesu, gŏ Kơnràñ neh chơt rau, gen ò pòng pă ntìng jơng Kơnràñ. Bulah behơ̆ gơs dô nă cau ling ai tà hwit di wĕ Kơnràñ, gen gơlik mo mhàm mơ dà.

Ală bơta hơ̆ gơlik gơs di ngan be jơnau Sră Goh cih lah: “Ò gơs dô nơm ntìng lơi Kơnràñ dê rơp pă.” Mơ kung gơs jơnau ndai tòm Sră Goh cih lah: “Bol khai rơp sền gŏ Cau mơ bol khai neh hwit.”

Yàng Jesu tui chi pơng lòt tus hơ Dòr Ntìng Bồ, jơnau Hebrơ sơnđan la Gôgôtha.

Ală cau ling tàñ dô nơm sơgơn mơ lò, tơndau di bồ Kơnràñ, mơ tơnsoh Kơnràñ in dô nơm ào gur.