Popular Bible Verses from Broă 5

Share

Pier bal mơ ală cau gơnoar bơto dờng ho wơl lah: “Chan bol hi pal lơh jat jơnau Yàng Tom Trồ dê rlau mơ lơh jat jơnau cau dê.

Kòp ngai tòm hìu duh khoai hala bơh hìu do tus hìu ne, bol khai kư̆ bơto mơ bơto yal sùm bơh Yàng Jesu la Bơtau Krist.

Pier đơs mơ khai lah: “Ơ Anania, ñchi bơh tài mê lòi cà Satan at bồ mê, tian gơs mê neh đơs blac mơ Yàng Hwềng Goh, mơ prap wơl dô pơnah jền mê tac sre hơ̆ taih? Tòm tŭ òhềt tac sre hơ̆ gen ò di la sre mê dê ò ơ? Tŭ neh tac rau, gen jền tac hơ̆ ò di ơm tòm gơnoar mê dê ò ơ? Ñchi bơh tài mê neh lơh nền jơnau hơ̆ tòm nùs mê dê taih? Jơnau hơ̆ ò di mê đơs blac mơ kòn mơnus, mơya mê đơs blac mơ Yàng Tom Trồ.” Dơ̆ Anania kơno ală jơnau đơs hơ̆, gen gơplơ̆ chơt; jơh tơl nă cau kơno jơnau hơ̆ gen rngòt oă ngan.

Do añ đơs mơ bol mê, pleh tĕ ngài di ală cau hơ̆, lòi tĕ, dò bol khai dê. Bơh dilah bơta bơyai hala broă do gơlik bơh kòn mơnus gen rơp roh is gơ dê; mơya dilah gơlik bơh Yàng Tom Trồ gen bol mê ò rgơi tơnroh ală cau hơ̆ ò, rngòt bol mê kung be tòmlơh mơ Yàng Tom Trồ mòn.” Behơ̆ bol hơ̆ iat jơnau bơto tơngkah Gamaliel dê.