Popular Bible Verses from Jouŋ 14

Share

M̀ieŋ ghɨghrɨ ni pəɨ; m̀fɛ ghɨghrɨ a ni pəɨ. Ǹdɔ njiʼi mfɛ ni pəɨ pi ŋkwaŋ haʼaŋ ŋkuoŋ mbhi fɛ nɛ. Kiʼi njùʼɔ yəɨ ghana vəɨ, ndɔ kiʼi pəɨ fāʼo pɔgɔ gu.

Jishɔ chhu ghɔ ŋa, “A mmu mbɔ shɛndaoŋ, mbɔ nnu shini mbɔ chɔmbhi. Yichəɨ ŋoŋ nthɛ paʼa a lɔ ŋgə̄ɨ njəɨ Tǎa ki lɔ ntɔgɔ pi mbhɔ mu.

“Kiʼi njùʼɔ yəɨ ghana vəɨ, p̂əɨ piŋ Minnwi, mbɨnɨ mbɨŋ a ŋkaa mu.

Ndɔ ŋgaŋ ghɛ̀rɛ, mbɔ Jijwɛ Minnwi, ŋa Tǎa shi ntaoŋ nɔ ligi a nɛ, shi njɛʼi vəɨ ni ŋguoŋ yaoŋ ghao ndɔ mbɨnɨ nuʼuŋ ŋkwiŋ vəɨ ni ŋguoŋ yaoŋ ŋa ǹchhu nɛ.

Ŋoŋ yɛ ŋa a piŋ pa kɨ̀na paŋ ndɔ nūʼɔŋ nɛ, a ju mbɔ ŋoŋ ŋa a khwā a nɛ. Ndɔ ti ju ŋa a khwā a nɛ, Tǎa a shi ŋkhwā vi ŋkaa yu, mummu khwā vi nōoŋ noŋ a ghɔ.”

Nnɛ kaŋ ǹshi mbie Tǎa a, a fɛ yichəɨ ŋgaŋ ghɛ̀rɛ ni pəɨ, pəɨ pugu chhɔ ki ndugwi yi, mbɔ Jijwɛ nnu shini ŋa mbaʼa ŋgwa ŋkuoŋ mbhi piŋ vi, nthɛ ŋa pugu shi lɔ njəɨ ki nji vi, ndɔ pəɨ ji vi nthɛ ŋa pəɨ pugu chhɔ kaʼa ndɔ shi mbɔ moŋ chɔmbhi yəɨ.

Sheshe yaoŋ ŋa ɔ shi mbie pi nɔ ligi a nɛ, ǹshi nchwīe nnɛ ŋa Tǎa fāʼo ndighaʼo yi ntɔgɔ pi mbhɔ muuŋ. P̈əɨ mbie a ni sheshe yaoŋ nɔ ligi a, kaŋ ǹshi nchwīe.

“P̈əɨ ŋkhwā a, kaŋ pəɨ shi nūʼɔŋ pa kɨ̀na paŋ.

Ntou njiɛŋ nda pɔ moŋ nda Tǎa a. A kaŋ mieŋ ki pɔ nnɛ, ŋkaŋ ŋkwo shwei vəɨ, nthɛ ŋa ŋ̀gə̄ɨ lɨʼɨ pīri lɨʼɨ ni pəɨ.

Ǹshi ŋga ŋkwo pīri lɨʼɨ ni pəɨ nɛ, ǹthɔ ndɔ̄gɔ vəɨ pia ghə̄ɨ, nnɛ ŋa lɨʼɨ ŋa m̀bɔ nɛ, pia shi ŋguʼɔ mbɔ fɔ kaʼa.

Toma chhu ghɔ ŋa, “Taathɔ, pigi lɔ njiʼi nji lɨʼɨ ŋa ɔ ghə̄ɨ nu nɛ. Ti minthɛ pigi kie pi nɛiŋ nji shɛndaoŋ.”