Popular Bible Verses from Luka 7

Share

Ku̱me nang nga zu̱ran yoro, wa yaapa solar khangndi nu̱ shikya yenda, nang ke ɗyi nu̱ saki tu̱ wuɗ ndolar maɗyikandi.” Tu̱ Yesu ze nokhzang za, “Wa yaapa solar ɓa yoro.”

Tu̱ Yesu gaɓ tu̱ ze nokhzang za, “Maito ɓa wa ɗanaro, ɗu̱ laya.”

Tu̱ ching gha gaanje nda a ghoori. Nu̱ ɗyim ghoorang nggaki su̱ jiti nu̱ ɗyin saari Yesu, tu̱ nokhzang ki pasha ɗyim ghoorang ɓar ndu̱ ghosi ɗyinan. A sa men nu̱ ve saaranang, a pu mor zhiiran mu̱nkandang nu̱ si.

Yang nang khu̱l ɗu̱ nga sho zum ɓa, ku̱me nang, shi ba ɓalar ye maa nu̱ke ta si, maavi ɓang kaa shaana. Nga zu̱n nang ku̱me nga ma nu̱ gumera ku a nje, yang sojeku a nje mbu̱ bu̱na tu̱k, mbu̱ ngaa ze nduk da chele ɓaanda za, ‘Ɗu,’ kaa ɗi; ‘a ɓo,’ kaɗa ɓa; ‘shi kaa,’ kaa shi.” Nu̱ Yesu tu̱kki ɓalar nang, tu̱ shi lazham maɗyi, tu̱ mbu̱m nu̱ she tabar ndukyang tu̱ ze wor za, “Ngaa zu̱ran ye nu, sar da nang na pooni maito nang mbu̱ Israila ɓa.”

Baa ye sarchi nang, tu̱ Yesu shaana nduki khang nu̱ khaatiku san zum zum tu̱ fed khu̱kheeti malkandiku ɓar mbe nduki su̱yen ndu̱ qu̱ndi yiti pugumku. Tu̱ yang Yesu tlogha ye wor za, “Gaɓ ma tun a zu̱ ɗyi nun naki ndu̱ nun tu̱kki ye Yokhana. Tun ze nda nun za, pugumku a na maari, zu̱ɓtiku a yiri, nu̱ khaati gwaanji ku a gwa shaanari, tuurangku a tu̱k ɓalari, mu̱tiku a nakhari nu̱ nungndiku a tu̱k labar mbarkandang.”