Popular Bible Verses from Luka 4

Share

“Jiimbi ɓu̱ Zhinkir gwaanji a nje ɗyina, ku̱me wa daati nga a ɓa nga ndu̱ labar mbarkandi ye nduki nu̱ke tun kha wor ɓa. Wa ru̱kti nga za wopa nga ɓalar kwatli ye nduki gu̱nkandi ku, a qu̱n nga yiti pugumku tu̱ na maari, a lawa nga nduki ɓar me khar nu̱ vu̱rti bonye ye wora. Yang tu̱k a zu̱ nga ye aaki nga za sarchi ɗanar ɓu̱ Zhinerem gwaanji a khu̱dli.”

Yang tu̱ Yesu tlogha yenda za, “A nje bu̱laran za, ‘Ghor ghai ye Maghamndi ɓaaro yang to mbu su̱quran chin ɗyenda.’ ”

Yang tu̱ Yesu tlogha yenda za, “A nje bu̱laran mbu̱ ɓalar ɓu̱ Magham za, ‘Ɗye zu̱m ɗyenda ka ku̱rki nduk ɓa.’ ”

Tu̱ Yesu a ji Gaawu Urdun tu̱ ɗa gaɓi nyeedlan ndu̱ Jiimbi shakhshakhndi, yang tu̱ Jiimbyang ɗu̱ ndu̱ chin gar

Tu̱ Yesu tlogha yenda za, “Lagarkati ɓu̱ Magham wa zu̱ za, ‘Ku̱ buu na Zhinkir gwaanji Maghamndi ɓaa ɓa.’ ”

Nu̱ Sheɗan woɗaki buuri Yesu mbe aa nyi njiva, tu̱ ɗu̱ varan dong, ma bu sarchi ngguri.

Qu̱rsan, tu̱ Sheɗan ɗu̱ ndu̱ chin viɗi, nggwotang, tu̱ ɗa wuɗ kwaaɗar ku larji nanga yenda kap ba mbu̱ kelep yiti. Tu̱ Sheɗan ze nda za, “Ngga vu̱r kwaaɗar nanga yoro kap ndu̱ zhaaji ni, to shi zalale ɗyinan ku̱me wa vu̱r ya, yang ngga ɗu̱ma vu̱rtan ye aaki nang shimki. Ngga vu̱r ɓar yor kap mbu̱ke ta kurum gha to ghar ghai ya.” Yang tu̱ Yesu tlogha yenda za, “A nje bu̱laran za, ‘Ghor ghai ye Maghamndi ɓaaro yang to mbu su̱quran chin ɗyenda.’ ”

Tu̱ Sheɗan daa nda nu̱ Urshalima tu̱ khu̱l ndu̱ chin vite lauɗar du̱ndi Rafti ɓu̱ Maghamang, tu̱ ze nda za, “Mbu̱ke to Yi ɓu̱ Magham ku̱m jiiri to ɗa nggu̱ɗ ye ghai. Jiwa a nje bu̱laran za, ‘Chin ka sa nu̱ ru̱ktiku ɓu̱ Magham tu̱ khutloror ku, tu̱ kaanggu̱la ku. Yang tu̱k ka gaɗa ro ndu̱ khar wora, ku̱me ku̱ saror ghwaɗ ye ndooga ɓa.’ ” Tu̱ Yesu tlogha yenda za, “Lagarkati ɓu̱ Magham wa zu̱ za, ‘Ku̱ buu na Zhinkir gwaanji Maghamndi ɓaa ɓa.’ ”