Popular Bible Verses from Matio 21

Share

Kecpin tapweritamekwe, ki ka mirikowinawaw kaskina kekocic ke ici nataweritamekw e aiamihaiekw.”

Itikowok Cecoca: “Tapwe ohwe ka witamatakok: kecpin e tapwerimekw Kice Manito, kaie aka e anwetamekw, nama tepirak ki ta totenawaw aniheriw ka ki totawak anahwe wapiminatikw, aric wawatc ki ka ki itwanawaw anihe matinacic: ‘Atcitica nta, pakope kwackoti tca neta kitcikamik,’ ekoni tapwe ke isparikipan.

Aniki ka nikanickowatcik Cecoca neta meskanak kaie kotakihik ka nosanehwatcik tepitepwewok, e aitetcik: “Icperitakosiw anahwe Tapit Okosa! Caweritakosiw anahwe ka pe iciticohikotc Teperitcikeritci! Icperitakosiw Kice Manito, icpimik ka tatc!”

Minawatc ki itew: “Itemakan Kice Manito Omasinahikanik: ‘Kata icinikatew nimikiwam aiamihe mikiwam. Ekota meka neta e taci aiamihaniwok.’ Aric kirawaw, ki ki ocitanawaw mia kimotiwikiwam kitci irapatak!”

“Witamawakok aniki Sion otenak ka taciketcik: Kanawapatamokw! Aci pe takociniw kokimamiwaw e pe natawapamitakw, e micta roskitehetc, atikok e ki okitapitc, atikocicik apiw, noce atikw onitcanica.”

Minawatc itew Cecoc: “Nama ia wiskat ki ki otci tapwatenawaw e itasinaterik Kice Manito Omasinahikanik? ‘Anihi asiniwa ka ki wepinatcik manike iriniwok, e ki iteritakik “nama wiec irapatisiw,” enko anihi aci ka mawotci kictapatisiritci. Wir Teperitciketc ka ki totak. Ki micta mirwinamwano.’”

Kiapatc itew Cecoc: “Ekoni wetci ititakok, ki ka maninamakowinawaw Kice Manito Okimawin, kotakihik iriniwok kitci ki acotamawakaniwitcik ke miro nosanetatcik. [