Popular Bible Verses from Luc 5

Share

Ka ickwa aiarimwetc, aci itew Simowa: “Simo, nete icitcime e asko kickaiak. Pakopehwik tca kitaripimak kitci patahorekw names.”

Aci itiko Simowa: “Okimaw, kape tipisko ni ki micta otamironan, aka tca e ki otci patahorakitc. Aric e iciin kitci itotiskeian, kiapatc ni ka pakopehwawok aripiik.” Ekoni e ici pakopehwatcik otarapiwawa. Micta mitcet ki patahorewok namesa. Kekatc ki pikopaririwa otaripiwawa.

Mocak matcakopan Cecoc, nete ko e icaspan aka e ici taniwonik, e nta aiamihaspan.

Nama ni ki otci pe ican kitci wicamakik iriniwok aci icikowisk ka iterimitisotcik, aric kirawe aniki ka kiskerimitisotcik e pactatitcik, kitci ki tca kweskatisitcik.”

Apitc e wapatak ani e iciwepanik anahwe Simo Pien, ekoni e ici nipiskoctawatc Cecoca, e tca itatc: “Matcekapowictaci, Teperitcikein. Osam ni pactati iriniwin!”

Itew Cecoc: “Iriniwok ka miro pimatisitcik nama takatc mackiki iriniwa natawapamewok. Ka akositcik, enko aniki ke natawapamatcik mackiki iriniwa.

Ekoni ka ici seskipitakik otcimaniwaw. Kaskina ki nakatamok e tca nosanehwatcik Cecoca.

Minawatc ki icakopan kotak otenak Cecoc. Takopan kaie neta iriniw e omikiwapinespan, tekaci e itikititc e omikiwapinetc. Kotc e wapamatc Cecoca anahwe iriniw, ekoni e ici nipiskoctawatc e tca oticik motcik. Pakoserimew e itatc: “Teperitcikein, kecpin ici nataweritamane, matci ki ka ki kikehin.” Ekoni e ici icitcitcerictowatc Cecoc e tca takinatc e itatc: “Nit ici naheriten. Ekoni ici kike!” Tecikotc ki mirwatisiw anahwe iriniw.

Aric eckam ki iti micta arimomakaniwiw Cecoc. Mitcet iriniwok pe nta natotawewakopan e arimweritci acitc kitci kikehakaniwitcik e ici akositcik.