Popular Bible Verses from Luc 1

Share

Nama meka takoniw kekociciriw aka e kackitatc Kice Manito!”

Aci Mari itew anihi aceriwa: “Teperitciketc nit atoskectawaw. Ni nataweriten kaskina kitci icinakok mia anihe ka ki pe itein.” Ekoni ka nakatikotc aceriwa.

Itiko anihi aceriwa: “Miro Manito ki ka otitikw kirika Kice Manito e mawotci icperitakositc omackawisiwin ki ka akwacteckakowan, mia e masinactecik. Ekoni ke otci iteritakositc ‘kitcitwawisiw’ anahwe kinitcanic ke nitawikitc. Ekoni kaie ke otci icinikatakaniwitc ‘Kice Manito Okosa.’

Ki caweritakosin e ki tapwetowotc Teperitciketc kitci totak aniheriw ka ki ici tipatcimoctask kitci itotisketc.”

Aci kekatc ki ka kanawerimawason. Ki ka okosin. Cecoc ki ka icinikataw. Kata kitci iriniwiw kirika kata icinikatakaniwiw ‘Kice Manito ka mawotci icperitakositc Okosa.’ Kata miriko Teperitcikeritci Kice Manitowa kitci okimawitc, mia otaniskotape omocoma Tapit ka ki okimawiritci. Kirika mocak kata tiperimew Israël iriniwa. Nama wiskat kata ickwapariniw okimawin.”

Itiko tca aceriwa: “Aka sekisi, Mari. Ki cawerimikw Kice Manito.