Popular Bible Verses from Jean 6

Share

Aci itew Cecoc: “Nin meka nit iteritakosin anahwe pakwecikan ka otci pimatisinaniwok. Anahwe ka pe natawapamitc nama wiskat kata pakatew, kaie anahwe ka tapwerimitc nama wiskat kata pakatamo.

Wir Omanitoma Kice Manito ka pakitinamiritci pimatisiwiniw. Iriniw wir tipirawe nama kata kackitapan. Anihe ka ki aititakok, ekota ni ka otci kiskeritakositc Miro Manito acitc pimatisiwin ka otci kiskeritakok.

Aka otamirokw mitcim otci ke iti onatak. Aric kirawe ki ta otamironawaw kotak mitcim otci, nespitc ka mirwacik, mitcim ka otci kakike pimatisinaniwok. Anahwe Ka ki pe iriniwihitisotc ki ka mirikowaw aniheriw mitcimiriw. Osam meka ki kicawatcihiko Kice Manitowa, Otawiwa, otiperitamowiniw e mirikotc.”

Ekoni meka e ici nataweritak Notawi: kaskina ka wapamatcik Okosiriw kaie ka tapwerimatcik kitci kakike pimatisitcik acitc kitci apitcipahakik mamitcitc kicikarike.”

Ki itikowok Cecoca: “Enkweriw otamirowiniw Kice Manito ka nataweritak kitci itotiskeiekw: kitci ni tapwerimimekw anihi ka ki pe iciticohwatc.”

Tato iriniwa ka ki miritc Notawi ni ka pe natawapamikok. Nama wiskat ni ka pakiterimaw awik e pe natawapamitc.

Itew anahwe Simo Pien: “Teperitcikein, awin kotak awik ke ki nosanehwakitc? Kir meka ka pakitinaman anihi itewina kitci ki otci kakike pimatisinaniwok!

Nin nit iteritakosin anahwe pakwecikan ka pimatisihiwetc, wakwek ka otciparitc. Kecpin awik mowate anihi pakwecikana, kata kakike pimatisiw. Anahwe pakwecikan ka pakitinak, enko anihe niwiaw. Ni pakitinen iriniwok otci, kitci ki otci pimatisitcik.”

Nama awik ni ka ki pe natawapamikw wircike kecpin aka pe iciwirikote Notawiwa ka ki pe iciticohwimitc. Nin tca ni ka apitcipahaw mamitcitc kicikarike.”

Anihi meka pakwecikana Kice Manito ka miritakw, enko anahwe wakwek ka pe otcitc kirika tapwe pimatisiwiniw ka miratc iriniwa ota askik.”

Nin nit iteritakosin pakwecikan ka pimatisihiwetc.

Ekoni e ici otapinatc anahweriw pakwecikana Cecoc. Mikwetc ki itew Kice Manitowa. Ekotca e ici matinawetc, e miratc neta ka apiritci, irikik e ici nataweritamiritci. Peikon ka totawatc anahweriw namesa. Kaskina ka ickwa mitcisotcik, e miro tipiparitcik, aci itew Cecoc owitcewakana: “Mawotcitakw irikik ka ickoparik aka kitci onactakaniwok!”

Wiec niarano kekotc nikotwaso tipahikan irikik ki mickawok. Kek ki wapamewok Cecoca e pe natcikapowiritci tcimanik, okitc nipik e pimoteritci. Ki micta sekisiwok. Aric itikowok Cecoca: “Nin ni! Akawir sekisikw!”