Popular Bible Verses from - लूका 6

Share

दए करो तो तुम हां सोई दओ जै है: मान्स पूरो नाप ठांस ठांसके और हिला हिलाके और ऊपरै लौ भरो भओ तुमाई ओली में डाल हैं, कायसे जौन नाप से तुम नापत आव, ओई से तुमाए लाने सोई नापो जै है।

भलो मान्स अपने हिये के भले भण्डार से भली बातें काड़त आय; और बुरओ मान्स अपने हिये के बुरए भण्डार से बुरई बातें काड़त आय; कायसे जौन हिये में भरो आय ओई ऊके मों पे आत आय।

पर अपने बैरियन से प्रेम राखौ, और भलाई करौ: और फिन वापस पाबे की आस न राख के उधार देओ; तो तुमाए लाने बड़ो इनाम हुईये: और तुम परम परधान के बालबच्चा ठैर हौ, कायसे बो उन पे जो धन्नवाद नईं करत और बुरए जन पे सोई दया करत आय।

जैसो तुमाओ बाप दया करबेवारो आय, उंसई तुम सोई दया करबेवाले बनौ।

लांछन न लगाओ; तो तुम पे सोई लांछन न लगाओ जै है: अपराधी न ठैराओ, तो तुम सोई अपराधी न ठैराए जै हौ: छिमा करो, तो तुम हां सोई छिमा करो जै है।

सो अब मैं तुम सुनबेवारन से कहत आंव, कि अपने बैरियन से प्रेम राखौ; जौन तुम से बैर करें, उन कौ भला करौ। जौन तुम हां कोसे, उन हां आसीस देओ: और जौन तुमाओ अपमान करै, ऊ न के लाने बिन्ती याजना करौ।

और जैसो तुम चाहत आव कि मान्स तुमाए संग्गै करें, तुम सोई उन के संग्गै उंसई करो।

जौन तोरे एक गाल पे चांटा मारे, ऊ कुदाऊं दूसरो सोई फेर दे; और जौन तोरो कोट छीन ले, ऊहां कुरता लेबे से सोई न रोक। जौन कोई तोसे मांगे, ऊहां दे; और जौन तोरी बस्त छीन लेबे, ऊसे वापस न मांग।

कायसे कौनऊ साजो पेड़ नईंयां, जौन बुरओ फल लात होबै, और न कोऊ बुरओ पेड़ आय, जौन साजो फल फलत होबै।

हर एक पेड़ अपने फल से चीनो जात आय; कायसे मान्स झाड़ियन से अंजीर नईं तोड़त, और न झरबेरी से अंगूर तोड़त आय।