Popular Bible Verses from - लूका 11

Share

सो जब तुम बुरए होकें अपने बाल-बच्चन हां साजी बस्तें देबो जानत आव, तो तुमाओ बाप जौन सरग में आय, अपने मांगबेवारन हां पवित्तर आत्मा काय न दै है।

और मैं तुम से कैत आंव; कि मांगो, तो तुम हां दओ जै है; ढूढ़ों, तो तुम पा हौ; खटखटाओ, तो तुमाए लाने खोलो जै है।

कायसे जौन कोऊ मांगत आय, ऊहां मिलत आय; और जौन ढूंढ़त आय, उए मिलत आय; और जौन खटखटात आय, ऊके लाने खोलो जै है।

यीशु ने उन से कओ; जब तुम बिन्तवाई करो, तो कओ; हे बाप, तोरो नाओं पवित्तर मानो जाबै, तोरो राज आबै।

और हमाए पापन हां छिमा कर, कायसे हम सोई अपने सब अपराधियन हां छिमा करत आंय, और हम हां परीक्षा में न गिरन दे।

हमाई दिन भर की रोटी हर दिना हम हां दे।

तोरी देयां कौ दिया तोरी आंख आय, ई लाने जब तोरी आंख साफ आय; तो तोरी सबरी देयां सोई उजरी आय; पर जब बा बुरई आय, तो तोरी देयां सोई अंधियारी आय।

कौनऊं मान्स दिया बार के तलघर में, या कौनऊं बासन के नेंचें नईं धरत, पर ऊं चाई पे धरत आय कि भीतर आबे वारन हां उजाला देबे।