Popular Bible Verses from METIYU 7

Share

“Koto, ho nulv kaapa tayin; meegaqto, nulv meepa tayin; cedinto, hoo nulgab viyap pam kuqko jitayin.

Hoggab hiyv kodwn mwv ham kaapa tayin, ho hiyv nyiv meegaqdvn mwv ham meepa tayin, ho hiyv nyiv viyap pam cedin dvn mwwg gab viyap pam kuqko jitayin.

“Hoqgab hiyv nyiv ngoqg soq benam sam tatwl bugil swwdwn hoq nyi hv mwwlaq albo nyiv mwwg nammam wlw aoho mvnbo nyi ak hvb nyidwn.

“Hoggab nyitaq mwlwho nyiv nam hognvkam nyiyikam no al mwwpa dvn hoq hvbkalam no bulam kam nyijto; soq si Mojesg Pvvb niqtuqkv hoo nyiqry benbo tulug xeqpwl apnam tomswrnam gonv.

Hvbmabde swwg viyapv adeqdvn, yabnyo dvn hoo lamta ngvkam wr aldvn; hoo soq lamta sam meepa bov nyiv jaqt maadwn.

“Viyap haak adeqbob haato, hoggab ui nyookub wk viyapv taqt dvn hoo lamta ngvkam wngam aldvn ho hoq lamtab wnbov mvqlw dvn.

Hoggab nulv almasjaqkam, nulug ko tulungam nulv albo akiam jilaq dvnyiloqkam, ao gvda tolo doonbo nulug Abv hog hwdgo ham alyanbo akiam mwam konbo nyi tulungam jiky dvn!

“Nyi asaqkam pw-hwwmabv, ho Pwnbov nulam kam pw-hwwram. Nulv nyi asaqkam hoggub nyil pw-hwwdwn hoq hvbkalam Pwnbov nulam pw-hwwtayin, hoo nulv hognvk bvrwq bicwb bel nyi asaqkam bedwn hoq hvbkalam Pwnbov nulug bicwb nulamkam betayin. Ho hognvkv nulv nyi asaqkam xil jintayin hoqho nulamkam xil jitayin.

“Hvbmabde hiyv nyiv ngoqg soq benam sam tatwl bugil swwma bo nyi ak hv nyiidam bo nyiv mwwg nammam xuqx aoho mvnbo nyi hvb nyidwn.

Noqg vnyiqlo svpongam kolol doom tvl no hoggub noqg bor akwg vnyiq pvcam kaadwn? Hvnyiloqkam no hoggub noqg vnyiqlo svpongam kolol doom tvl noqg boram, ‘Noqg vnyiq ura hoqg pvcam ngo naalin tvs,’ hvl hoggub hampeql benyi tayin?

“Nulv atam xaalyo bo nyiqry benbo tulu hoqgv hengab suto; aob kaanamv sviya hvb kvviyiq dvn, hvbmabde urangv jvqtw jaqb dvn-twwnbo moorog svca hvb nyidwn. Nulv bulug nyinam mvnam hoqgv kaacin tayin. Taa gvnbo teriv roo aaxy xeema dvn ho taa svvnv taoq aaxy xeema dvn.

Albo svvnv albo aaxy xeedwn, hvbmabde svvn almanbov almanbo aaxy xeedwn.

Svvn albov almanbo aaxy xeela ram.

Hogloq svvnv almab aaxy xeedwn ham patabl wmmwb jool hurlwq gvdwn.