Popular Bible Verses from METIYU 16

Share

Kokw so Jisu mwwg buu tulungam benum, “Hiyv nyiv ngoqg kokwb wba dvb mwwdwn, mwv atam ludum sudub nyiky tayin, ho mwwg atwg daapongam jootwl kokwb wmin gvdwb nyitayin.

Hoqgab nam ngo bedwn, Pitor; no wlwngv, ho soq wlw aoso ngoqg dvrwq namlongam mwgwl mvrab tayin ho sigv kam sam mviya nyoram.

Ngo nam ngoqg ao gvdag Lvpwg sabi ngam jitayin; no hognvkam gvda gvt so mutum tayin ham ao gvda tolokam mutum tayin, ho hognvkam no gvda gvt so mvko tayin ham ao gvda tolokam mvko jitayin.”

Hoggab hiyv nyiv atwg swwgam ywwtws mwwdwn, mwv ham yuupaq mvtayin; hvbmabde hiyv nyiv mwwg swwgam ngoqgab yuupaq mvtayin ham mwv kaapa taikun.

Nyi ak mwv gvda gvt mwlwngam kaapa sutwl atwg swwgam niim suba lo hognvk niqtuqkv dootayin? Hog gode kaaparam. Swwgam kwly naadwb hog gokam hoq simp dooma dvn.

Mwv bulam toxnum, “Nulv hog hvdwn? Ngam nulv hiyvjaq hvl bedwn?” Simon Pitor birwqnum, “No jvqtw jaqb sima bo Pwnbog Ko Tuup, Ywwnbo akv.”

Jisu Pitornvn birwqnum, “Jonwg ko tuup Simon paqyalinco! Hoggab soq si hiyvg nyia ko galoqkv haama pan, hvbmabde soq si ao gvda tolo doonbo ngoqg Abv nam jvqtw jaqb belin mvdwb jipan.