Popular Bible Verses from BON 11

Share

Mwv Soulnvn meepa kunv mwam Antiokwb bool wgnum. Kokw so bunyiv dvrwq namlo hoqgv nyi tulungam vnyw nywpw go nyi acam camt algo tomswr banv dooba sunum. Ho Antiok ho buu tulungam otuqjaqb Kristan hvl goqt goqlwl goqconum.

Mwv wc kunv Pwnbov nyi tulungam hog hwdgo anyal lvqc kunum ham kaapa tvl mwv hemp albanv bul mwlwngam hindy jijaqb mwwjw gvdwl dootwk hvl biywr-bebamnum, hoo jvqtw jaqb At Swn mwwjw gvdwl atwg hang uralo aptvk hvl tomswrnum. Barnabas nyi albo nyiib nyinum, mwv Dvrwqbo Yal rooxonum, hoo mwwjw jwwtw twiya bo nyiib nyinum. Nyiv vijaqg At Swn mwwjw kunum.

Sija jvqtw jaqb kaadar looda dvb Pwnbov Nyoodo nyi tulungam kam ngulv At Sw Jisu Kriston mwwjw yukho, ngulam jinam akinam bulamkam jipa kun! Hvnyiloqkam, ngo hiyv, Pwnbog nyitanam mam bitur deenbo nyiv?” Bulv soq benam sam tatkul benyi-beyal benam mam bengo tukul apaq kunum, hoo Pwnboam paqbnv bulv benum, “Pwnbov nyoodo nyi tulungam kam mwwkur mvdwb mood jitwl bulam swwgam jipa kunyi!”