Popular Bible Verses from Tidatc 3

Share

Mv baac mbuo nyei Njoux Ziouv Tin-Hungh bun cing ninh zoux longx yaac hnamv mienh wuov zanc, ninh njoux mbuo. Se maiv zeiz weic mbuo zoux nyei haaix nyungc kuv sic, se weic Tin-Hungh ganh korv-lienh mbuo. Ninh longc Singx Lingh nzaaux mbuo, bun mbuo siang-yungz jiex. Tin-Hungh yaac longc mbuo nyei Njoux Ziouv Yesu Giduc dox Singx Lingh camv-camv nyei bun mbuo, ziouc bun mbuo weic ninh nyei en haih duqv caux Tin-Hungh horpc hnyouv yaac duqv zipv yietc liuz nyei maengc, dongh mbuo maaih lamh hnamv oix duqv nyei maengc.

Oix zuqc tengx sienx Yesu nyei mienh jangx jienv. Ninh mbuo oix zuqc mbuoqc hungh jaa jien-fouv gunv. Oix zuqc ei jienv ninh mbuo nyei waac zoux yaac liuc leiz ziangx zoux nyungc-nyungc kuv sic. Oix zuqc mbuox mienh maiv dungx gorngv doqc haaix dauh, maiv dungx hengx nzaeng jaax. Oix zuqc horh norh nyei, yaac caux mienh suonc zingh suonc eix nyei yiem.

Mv baac oix zuqc simv nqoi, maiv dungx nzaeng hngongx haic nyei sic, fai ong-taaix doic jiex doic nyei mbuox. Yaac maiv dungx da'hauv, maiv dungx nzaeng leiz-latc nyei sic, weic zuqc naaiv deix sic maiv lamh longc, tengx maiv duqv haaix dauh.

Haaix dauh ceux lunc zoux bun jiu-baang bun nqoi, oix zuqc kuinx yietc nzunc i nzunc liuz, nqa'haav maiv dungx mingh coiv ninh aqv.