Popular Bible Verses from Ye^le^mi 7

Share

Weic zuqc yie dorh meih mbuo nyei ong-taaix cuotv I^yipv Deic-Bung wuov hnoi, yie maiv duqv caux ninh mbuo gorngv fai hatc ninh mbuo taux buov ziec fai weic ganh nyungc ziec nyei ga'naaiv. Mv baac yie hnangv naaiv hatc ninh mbuo, ‘Oix zuqc muangx yie nyei waac, yie ziouc zoux meih mbuo nyei Tin-Hungh, meih mbuo duqv zoux yie nyei baeqc fingx yaac gan yie hatc meih mbuo nyei yietc zungv jauv weic bun meih mbuo duqv longx.’

Mv baac ninh mbuo maiv ei jienv zoux yaac maiv baeng m'normh muangx. Ninh mbuo ei jienv ninh mbuo ganh nyei za'eix caux ninh mbuo hnyouv ngaengc hnyouv orqv nyei zoux yaac hluotv nqaang, maiv mingh wuov ndaangc.

Se gorngv meih mbuo za'gengh zorc meih mbuo nyei jauv-louc caux zoux nyei sic, se gorngv meih mbuo laanh caux laanh za'gengh zoux baengh fim nyei, se gorngv meih mbuo maiv zeix ganh fingx mienh fai guh hanh fu'jueiv fai auv-guaav, yiem naaiv norm dorngx maiv daix maiv zoux dorngc nyei mienh yaac maiv gan nyiec nyei zienh hoic zuqc ganh, yie ziouc bun meih mbuo duqv yiem naaiv norm dorngx, se yiem loz-hnoi yie ceix bun meih mbuo nyei ong-taaix yietc liuz yiem nyei dorngx.

Nernh Jiex nyei ZIOUV, se I^saa^laa^en nyei Tin-Hungh, hnangv naaiv gorngv, ‘Oix zuqc zorc meih mbuo nyei jauv-louc caux zoux nyei sic, yie ziouc bun meih mbuo yiem jienv naaiv norm dorngx.