Popular Bible Verses from Yaagorpc 3

Share

Yiem gu'nguaaic daaih nyei cong-mengh da'yietv se cing-nzengc nyei, yaac baengh orn nyei, suonc nyei, hec duqv gorngv nyei. Naaiv nyungc cong-mengh bun laanh korv-lienh laanh, yaac kungx zoux cuotv kuv sic hnangv, maiv mangc faix haaix dauh, yaac maiv maaih beih zaqc hnyouv njuotv nyei sic.

Yiem meih mbuo naaic, maaih haaix dauh guai nyei, cong-mengh nyei fai? Ninh oix zuqc longc suonc hnyouv, longc cong-mengh zoux kuv sic bun cing ninh dongh naaic nyungc mienh.

Haaix dauh kuinx i bung mienh horpc hnyouv daaih se zuangx baengh orn nyei nyim. Siou daaih nyei yietc zungv ziouc longx nyei.

Haaix norm dorngx maaih mienh mueic jieqv, douh ganh duqv longx, wuov norm dorngx ziouc ceux lunc, maaih nyungc-nyungc waaic sic cuotv.

Mbuo longc mbietc ceng Ziouv Zaangc Diex, yaac longc zioux mienh, dongh Zaangc Diex zeix cuotv daaih zuangv ninh ganh yaac hnangv ninh ganh nor. Ceng nyei waac caux zioux nyei waac juangc sung nzuih cuotv. Yie nyei gorx-youz aah! Hnangv naaic za'gengh maiv horpc yietc deix.

Mbietc se hnangv douz nor. Mbietc zoux sin nyei yietc nyungc yaac orqv haic, bun orqv nyei sic cuotv buangv nzengc sin. Mbietc diemv jienv yiem deic nyuoqc daaih nyei douz. Yietc seix maaih naaiv nyungc douz zieqc jienv mbuo yiem.

Mv baac mbietc, maiv maaih haaix dauh haih gunv duqv jienv. Mbietc se orqv haic, maiv haih gunv maiv jienv, maaih laengc daic mienh nyei ndie buangv nzengc.

Yie nyei gorx-youz aac, meih mbuo maiv zuqc maaih mienh camv zoux fin-saeng, weic zuqc meih mbuo hiuv duqv yie mbuo zoux fin-saeng nyei mienh oix zuqc siemv gauh hniev jiex maiv zoux nyei mienh.