Popular Bible Verses from I^saa^yaa 59

Share

Mv baac meih mbuo nyei zuiz bun meih mbuo caux meih mbuo nyei Tin-Hungh nqaeqv jienv. Meih mbuo nyei zuiz torngv ninh nyei hmien, bun ninh maiv mangc meih mbuo yaac maiv muangx meih mbuo.

Mangc maah! ZIOUV nyei buoz maiv zeiz nangv, maiv haih njoux meih mbuo. Ninh nyei m'normh yaac maiv zeiz ndung, maiv haih muangx meih mbuo.

ZIOUV gorngv, “Yie ganh aeqv, naaiv se yie caux ninh mbuo liepc jiez nyei ngaengc waac. Yie nyei Singx Lingh, dongh yiem jienv meih, caux yie bun meih gorngv nyei waac, yiem naaiv mingh maiv leih nqoi meih yaac maiv leih nqoi meih nyei fu'jueiv fai meih nyei hoz doic zeiv-fun taux maanc gouv maanc doic.” ZIOUV hnangv naaiv nor gorngv.

Hnangv naaic yiem fai bung, mienh ziouc gamh nziex ZIOUV nyei mbuox. Yiem mba'hnoi cuotv wuov bung, ninh mbuo taaih ninh nyei njang-laangc, weic zuqc ninh oix daaih hnangv beqv haic nyei ndoqv, maaih ZIOUV nyei nziaaux zunc jienv daaih.

ZIOUV gorngv, “Zuoqc Mienh Wuov Dauh zungv oix daaih Si^on, taux Yaakopv nyei nza'hmien, dongh goiv hnyouv guangc zuiz nyei mienh.”