Popular Bible Verses from I^saa^yaa 43

Share

Mangc maah! Yie oix zoux yietc nyungc siang-sic, ih zanc cuotv daaih aqv. Meih mbuo maiv buatc fai? Yie oix yiem deic-bung-huaang koi jauv, yaac bun deic-bung-haanz cuotv ndoqv.

Meih jiex wuom nyei ziangh hoc, yie caux meih yiem. Meih jiex ndaaih, ndaaih nyei wuom yaac maiv yiemx meih. Meih yangh douz jiex, meih maiv zuqc douz buov, douz-mbietc yaac maiv zieqc meih.

ZIOUV hnangv naaiv nor gorngv, “Maiv dungx jangx jiex daaih nyei sic, yaac maiv dungx nzamc loz-hnoi nyei jauv.

O Yaakopv aac, zeix meih daaih wuov dauh, O I^saa^laa^en aac, nanv meih daaih nyei ZIOUV, ih zanc hnangv naaiv nor gorngv, “Maiv dungx gamh nziex weic zuqc yie zuoqc meih nzuonx daaih aqv. Yie ziux meih nyei mbuox heuc meih. Meih benx yie nyei mi'aqv.

Weic zuqc ziux yie nyei m'zing mangc, meih se jaaix haic. Yie taaih meih yaac hnamv meih. Yie ziouc zorqv mienh longc tiuv meih, yaac zorqv ziex fingx mienh yienc meih nyei maengc.

Weic zuqc yie se ZIOUV, meih nyei Tin-Hungh, se I^saa^laa^en nyei Cing-Nzengc Tin-Hungh, meih nyei Njoux Ziouv. Yie zorqv I^yipv zoux zuoqc meih nyei jaax-zinh, yaac zorqv E^ti^o^bie caux Se^mbaa longc tiuv meih.

Maiv dungx gamh nziex weic zuqc yie caux meih yiem. Yie oix dorh meih nyei zeiv-fun yiem dong bung daaih, yaac yiem fai bung dorh meih nyei mienh daaih gapv zunv.

“Kungx maaih yie weic ganh sortv guangc meih zoux dorngc nyei sic, yaac maiv jangx meih nyei zuiz.

ZIOUV gorngv, “Meih mbuo se yie nyei zorng-zengx mienh, yaac zoux yie nyei bou, dongh yie ginv wuov dauh, weic bun meih mbuo haih hiuv duqv yaac sienx yie, yaac mengh baeqc yie se ZIOUV. Cuotv liuz yie maiv maaih ganh dauh zienh. Zinh ndaangc maiv maaih, nqa'haav yaac maiv maaih.

Yie, se yie ganh, zoux ZIOUV. Cuotv liuz yie maiv maaih ganh dauh Njoux Ziouv.

Yiem loz! hnoi daaih yie m'daaih yietc liuz zoux Tin-Hungh. Maiv maaih haaix dauh haih njoux mienh biaux ndutv yie nyei buoz. Yie zoux nyei haaix nyungc, maiv maaih haaix dauh haih goiv yienc.

Lomc nyei hieh zoih oix taaih yie, hieh juv caux norqc lorh torh yaac taaih yie, weic zuqc yie bun deic-bung-huaang maaih wuom, yaac bun deic-bung-haanz maaih ndoqv, weic bun yie nyei baeqc fingx, yie ginv daaih nyei mienh, maaih wuom hopv, se weic yie ganh zeix daaih nyei mienh. Ninh mbuo ziouc haih ceng yie.

Yie oix mbuox baqv bung, ‘Bungx ninh mbuo maah!’ Yaac oix mbuox naamh bung, ‘Maiv dungx nzaeng ninh mbuo.’ Yie oix dorh yie nyei dorn mbuo yiem go nyei daaih, yaac yiem lungh gorn dorh yie nyei sieqv nzuonx, se da'faanh gan yie nyei mbuox heuc nyei mienh, dongh yie zeix daaih weic bun yie duqv njang-laangc, se yie nanv daaih zeix daaih nyei mienh.’

ZIOUV hnangv naaiv nor gorngv. ZIOUV koi tong koiv nyei jauv, koi diuh jauv yiem domh wuom gu'nyuoz. Ninh bun mborqv jaax nyei cie caux maaz, bun jun-baeng caux mborqv jaax henv nyei baeng cuotv daaih. Ninh mbuo bueix njiec, yietc liuz maiv haih jiez sin. Ninh mbuo zutc nzengc, hnangv dang-cov nyei douz daic nor.

Yie se ZIOUV, meih mbuo nyei Cing-Nzengc Tin-Hungh, dongh Zeix I^saa^laa^en Wuov Dauh, meih mbuo nyei Hungh Diex.”