Popular Bible Verses from I^saa^yaa 41

Share

Maiv dungx gamh nziex. Yie caux meih yiem. Maiv dungx hnyouv namx weic zuqc yie zoux meih nyei Tin-Hungh. Yie oix bun meih henv yaac oix tengx meih. Yie oix longc yie baengh fim nyei mbiaauc jieqv buoz baav jienv meih.

Weic zuqc yie, ZIOUV, meih nyei Tin-Hungh, nanv meih nyei mbiaauc jieqv buoz. Se dongh yie gorngv mbuox meih, maiv dungx gamh nziex, yie oix tengx meih.

“Da'faanh nouz meih wuov deix mienh zungv oix zuqc nyaiv, zuqc baaic hmien. Ngaengc meih wuov deix, oix zuqc baaic, zuqc mietc.

Yie yiem lungh gorn zorqv meih, yaac yiem ndau-beih go jiex nyei dorngx heuc meih daaih. Yie gorngv, ‘Meih zoux yie nyei bou.’ Yie ginv meih daaih yaac maiv guangc meih.

Maiv gunv meih lorz caux meih doix-dekc nyei mienh, meih lorz yaac lorz maiv buatc. Caux meih mborqv jaax wuov deix oix jiex nzengc, zuqc baaic mi'aqv.

O Yaakopv aac, meih hnangv gaeng-mau maiv henv, maiv dungx gamh nziex. O I^saa^laa^en aac, meih faix. Yie ganh oix tengx meih.” Naaiv se ZIOUV gorngv, dongh Zuoqc Meih Wuov Dauh, se I^saa^laa^en nyei Cing-Nzengc Tin-Hungh.

“Mv baac meih, I^saa^laa^en, se yie nyei bou, Yaakopv, dongh yie ginv daaih wuov dauh, yie nyei loz-gaeng doic, Apc^laa^ham nyei zeiv-fun

Yie oix yiem ndau-hlang njang nyei dorngx bun ndaaih cuotv, bun yiem horngz gu'nyuoz maaih wuom-zingv. Yie oix bun deic-bung-haanz benx wuom-njaangh, bun ndau-nqaai benx wuom-zingv.

“Mienh jomc mienh caux dangx-donx nyei mienh lorz wuom, yaac maiv maaih. Ninh mbuo jaang nqaatv, mbietc mborngx nqaai, mv baac yie, ZIOUV, oix dau ninh mbuo. Yie, I^saa^laa^en nyei Tin-Hungh, maiv guangc ninh mbuo.

Haaix dauh zoux naaiv deix sic yaac zoux duqv cuotv, yiem dongh cor heuc doic jiex doic cuotv daaih? Yie, ZIOUV, yiem gorn, taux setv mueiz yie yaac yiem nyei. Yie se dongh wuov dauh aqv.”

Yie oix yiem deic-bung-huaang zuangx si^ndaa zongh ndiangx, da'suqv ndiangx, faan ziqc liouh ndiangx caux ga'lanv ndiangx. Yie oix yiem deic-bung-haanz zuangx buo kuaaiv normh nyei zongh, aengx caux i nyungc zongh ndiangx, weic bun mienh buatc ziouc hiuv, se bun ninh mbuo hnamv longx yaac mengh baeqc, se ZIOUV nyei buoz hnangv naaiv nor zoux, se I^saa^laa^en nyei Cing-Nzengc Tin-Hungh zeix cuotv daaih.”