Popular Bible Verses from 1 Ti^mo^tai 6

Share

Oix zuqc njiec qaqv weic mbuo sienx nyei jauv mborqv longx nyei jaax, caangv duqv yietc liuz nyei maengc, weic zuqc meih dorng jienv zorng-zengx mienh camv longx-longx nyei nyiemc Yesu wuov zanc, Tin-Hungh heuc meih zipv yietc liuz nyei maengc.

Weic zuqc mauv zinh mauv nyaanh se nyungc-nyungc orqv sic nyei gorn. Laaix mauv zinh nyaanh maaih deix mienh leih ninh mbuo sienx nyei jauv ziouc zoux bun ganh zuqc nzauh camv, hnangv maaih nzuqc baqv jienv mba'nziu nor.

Haaix dauh gan longx Tin-Hungh yaac buangv hnyouv ninh maaih nyei, wuov dauh za'gengh butv zoih.

Mbuo maiv duqv dorh haaix nyungc bieqc naaiv baamh gen. Mbuo cuotv baamh gen yaac maiv haih dorh haaix nyungc mingh.

Oix zuqc hatc yiem naaiv baamh gen nyei butv-zoih mienh maiv dungx zoux maux, yaac maiv dungx kaux zinh nyaanh, weic zuqc zinh nyaanh se kaux maiv wuonv. Oix zuqc kaux Tin-Hungh, dongh ceix nyungc-nyungc camv nyei bun mbuo, weic bun mbuo njien-youh.

Mv baac mauv oix butv zoih wuov deix mienh zuqc nduov baamz zuiz, zuqc koux hlopv jienv. Ninh mbuo nyei hnyouv hanc dorh ninh mbuo ei camv-nyungc hngongx haic, haih hoic mienh nyei za'eix, ninh mbuo ziouc zuqc ndortv nzengc, qui nzengc.

Oix zuqc hatc ninh mbuo zoux longx, zanc-zanc zoux kuv sic camv, yaac zoux hnyouv jangv nzie mienh. Hnangv naaiv zoux se siou jaaix nyei ga'naaiv zoux gorn-buonv weic nqa'haav hingv ziouc haih duqv zien-zien nyei ziangh maengc.