Popular Bible Verses from 1 Bide 3

Share

Yiem meih mbuo nyei hnyouv meih mbuo oix zuqc taaih Giduc, bun ninh zoux Ziouv. Oix zuqc zanc-zanc liuc leiz ziangx hnyouv, haih porv mengh bun dauh dauh oix hiuv nyei mienh meih mbuo weic haaix diuc hnangv naaiv maaih lamh hnamv. Meih mbuo ziouc maaih waac dau, mv baac oix zuqc longc suonc hnyouv dorh leiz nyei dau ninh mbuo. Yaac oix zuqc maaih maiv maaih dorngx nqemh nyei laangh fim. Hnangv naaic, meih mbuo zuqc mienh gorngv doqc meih mbuo kaux Giduc zoux nyei kuv sic, ninh mbuo ziouc weic ninh mbuo gorngv nyei waac zuqc nyaiv.

Weic zuqc Ziouv nyei m'zing mangc jienv caux ninh horpc hnyouv wuov deix. Ninh nyei m'normh yaac muangx ninh mbuo daux gaux nyei waac. Mv baac Ziouv nyei hmien maiv huin mangc zoux orqv sic wuov deix mienh aqv.”

Meih mbuo zorng nzueic maiv dungx kungx zorng beih zaangc, gitv mba'biei-mbinz, zorng jiem zorng nyaanh, zuqv ciouh dunc nyei lui-houx. Daaux nzuonx oix zuqc zorng gu'nyuoz hnyouv, se oix zuqc hnyouv suonc hnyouv ndaauv. Naaiv se zorng nzueic yaac yietc liuz maiv haih zitc. Ei Tin-Hungh mangc yaac jaaix haic.

Hnangv Ging-Sou gorngv nor, “Haaix dauh oix yiem seix zaangc duqv orn-lorqc, yaac oix duqv longx nyei hnoi, wuov dauh oix zuqc gunv jienv mbietc, maiv dungx gorngv waac-doqc. Yaac oix zuqc gunv jienv nzuih, maiv dungx gorngv-baeqc nduov mienh. Oix zuqc guangc nqoi orqv sic, zoux longx nyei sic hnangv. Oix zuqc liepc dingc hnyouv lorz baengh orn yaac hungx jienv baengh orn nyei jauv mingh.

Yie gorngv deix setv mueiz waac. Meih mbuo yietc zungv oix zuqc dongh diuc hnyouv, laanh korv-lienh laanh, hnamv sienx Yesu nyei gorx-youz, laanh zoux longx bun laanh, yaac nyiemc ganh zoux faix. Maiv dungx zoux orqv winh orqv. Zuqc mienh gorngv doqc yaac maiv dungx gorngv doqc mienh. Daaux nzuonx oix zuqc buang waac ninh mbuo, weic zuqc Tin-Hungh heuc meih mbuo hnangv naaiv nor zoux, ninh ziouc ceix fuqv bun meih mbuo.

Se gorngv meih mbuo jorm hnyouv zoux kuv sic, haaix dauh oix hoic meih mbuo?

Oix zuqc guangc nqoi orqv sic, zoux longx nyei sic hnangv. Oix zuqc liepc dingc hnyouv lorz baengh orn yaac hungx jienv baengh orn nyei jauv mingh.

Se gorngv Tin-Hungh nyei za'eix se bun meih mbuo laaix zoux kuv sic zuqc siouc kouv, naaiv corc gauh longx laaix zoux waaic sic zuqc siouc kouv.