Popular Bible Verses from Matai 21

Share

Lɨnga mulɨ nʉ lwitɨko, syosyosa ɨsi mukʉsʉʉma ndwipuuto, sikʉbombigwaga.”

Jesu alɨnkʉbaamula alɨnkʉtɨ, “Nalooli nikʉbabʉʉla, lɨnga mulɨ nʉ lwitɨko kɨsita kwilaamwa, mubagiile ʉkʉbomba bo ɨsi ngʉbombiile ʉnkʉjʉ ʉgʉ, nʉ kʉkɨndapo ɨsyo. Nalɨnga mukʉkɨbʉʉla ɨkyamba ɨkɨ, ʉkʉtɨ, ‘Kʉʉka ʉkiitaage mu nyanja,’ sikʉbombigwaga.

Abandʉ bala baalongoliile nkyeni mwa Jesu na bala baakongaga balɨnkʉkoolela balɨnkʉtɨ, “Hosyana! Mwana gwa malafyale Ndaabɨti! Asajigwege ʉjʉ ikwisɨla mu ngamu jaa Ntwa Kyala! Hosyana! Ɨɨmɨkigwege ʉNtwa ʉgwa kʉmwanya!”

Alɨnkʉbabʉʉla alɨnkʉtɨ, “Sisimbiigwe mwa Kalata ʉMwikemo ʉkʉtɨ, ‘Ɨnyumba jangʉ jikʉjobigwaga ʉkʉja nyumba jaa kwipuutɨlamo.’ Looli ʉmwe mujɨbɨɨkile ʉkʉja, ‘Mbako jaa minyambuta.’ ”

“Mubabʉʉle abandʉ abaa mu Syoni ʉkʉtɨ, ‘Namukeete, ʉMalafyale gwɨnu ikwisa kʉmyɨnu, mooloolo, ikwisa bo iitogile ɨmbunda, ɨmwana jaa mbunda.’ ”

Po Jesu alɨnkʉbabʉʉla kangɨ alɨnkʉtɨ, “Bʉle, mukabalamo Kalata ʉMwikemo? Apa sisimbiigwe ʉkʉtɨ, ‘Ɨliibwe ɨlɨ abajenga nyumba baalɨkaanile, lyo lɨjile ibwe ikʉlʉmba pa lwalo, pa nguto. ɄNtwa Kyala jo ʉjʉ asipelile ɨsyo, sya kɨswigo fiijo kʉmyɨtʉ ʉkʉsibona ɨsyo.’

“Kʉnongwa ɨjo, nikʉbabʉʉla nikʉtɨ, mutikʉjaga bandʉ baa Kyala, looli abandʉ abangɨ bikʉjaga bandʉ baa Kyala, aba babagiile ʉkʉbomba kanunu mu ngʉnda gwake, ʉkʉtɨ sikabigwe ɨseke.