Popular Bible Verses from Ɨmbombo sya Batʉmigwa 4

Share

“Kʉnongwa ɨjo, bʉkajamo nabʉmo ʉbʉpoki ʉkʉfuma kʉ mundʉ ʉjʉngɨ, paapo jɨkajako ɨngamu ɨjɨngɨ, ɨjɨ tʉpeeliigwe pakiisʉ, ɨjaa ʉjʉ abagiile ʉkʉtʉpoka.”

Bo biipuutile kwa Kyala, palɨnkʉsenyendeka pabʉjo apa baabʉngeene. Boosa balɨnkwisʉla Mbepo Mwikemo, balɨnkwanda ʉkʉlʉmbɨlɨla iisyʉ lya Kyala nʉ bʉkifu boosa.

Po gwe Ntwa Kyala, ʉkeetege ʉkʉtʉkemela kwabo, ʉtʉtʉʉle twe babombeli baako ʉkʉtɨ tʉlʉmbɨlɨlege iisyʉ lyako nʉ bʉkifu boosa.

Jesu ʉjo jo ʉjʉ Kalata ʉMwikemo ikʉtɨ, ‘Ɨliibwe ɨlɨ mwalɨkaanile mwe bajenga nyumba, lyo lɨjile ibwe ikʉlʉmba pa lwalo, pa nguto.’

Abalongosi bala bo babʉbwene ʉbʉkifu bwa Peeteli na Johani nʉ kʉbamanya ʉkʉtɨ bakaja bamanya kalata, kangɨ bakaja bamangʼanyi, balɨnkʉswiga, balɨnkʉsyagania ʉkʉtɨ abandʉ aba baalɨ pamopeene na Jesu.

Po abiitɨki boosa baalɨ nɨ ndumbula jɨmojeene na mu nyiinogono syabo baalɨ kandʉ kamokeene. Akaaliko najʉmo nkɨlʉndɨlo kyabo ʉjʉ aatɨgɨ ɨkyʉma ɨkɨ alɨ nakyo kyake mwene, looli ɨkyʉma kyabo kyosa baalɨɨlanilaga.