Popular Bible Verses from Yohane 17

Share

Pee mɛ klɔuklɔu ngɛ anɔkuale ɔ mi; o munyu ɔ anɔkuale ʼi.

Se enɛ ɔ ji neneene wami ɔ nɛ, kaa a le mo, anɔkuale Mawu kake ɔ, kɛ Yesu Kristo nɔ nɛ o tsɔ ɔ.

“Se pi ni nɛ ɔmɛ a he kɛkɛ nɛ i ngɛ pɛɛ kpae ngɛ ɔ, se nihi nɛ ma he ye nɔ maa ye ngɛ a munyu ɔ nya a hulɔ. Konɛ mɛ tsuo a pee kake, kaa bɔ nɛ mo, Tsaatsɛ, o ngɛ ye mi nɛ imi hu i ngɛ o mi ɔ, konɛ mɛ hu a pee kake ngɛ wa mi, konɛ je ɔ nɛ he ye kaa mo lɛ o tsɔ mi.

I bi we kaa o je mɛ kɛ je je ɔ mi, se mohu kaa o bu a he kɛ je nɛ ɔ yayami ɔ dɛ mi.

Nɛ hɛ mi nyami nɛ o ngɔ ha mi ɔ, i ngɔ ha mɛ, konɛ sa pee kake, kaa bɔ nɛ wɔ hu wa ngɛ kake ɔ. I ngɛ a mi, nɛ mo hu o ngɛ yɛ mi, konɛ a pee kake kɛ pi si, nɛ je ɔ nɛ le kaa mo lɛ o tsɔ mi, nɛ o suɔ mɛ kaa bɔ nɛ o suɔ mi ɔ.