Popular Bible Verses from Марк 2

Share

Муну эшитип, Исса алагъа: «Дохтур керекли аурумагъанла тюйюлдюле, алай а ауругъанладыла. Мен тюзлюклюлени тюйюл, гюняхлыланы тобагъа къайтышыргъа чакъырыр ючюн келгенме», – деди.

Исса, аланы ийнаныуларын кёрюп, къурушханнга: «Жашым, гюняхларынг кечиледиле», – деди.

Дагъыда алагъа: «Адам шабат кюн ючюн тюйюл, шабат кюн адам ючюндю.

Эмда адамланы кёплюгюнден Иссагъа жууукълашыр амал тапмагъанлай, Ол болгъан юйню башын ачып, къурушханны жатхан жери бла тюшюрдюле.

Алай а Адам Улуну жер башында гюняхланы кечерге эркинлиги болгъанын сиз билир ючюн айтама», – деди. Сора саусузгъа: «Санга айтама: тур, жатхан жеринги ал да юйюнге бар!» – деди.

Не тынчды? Саусузгъа: „Гюняхларынг кечиледиле“ дегенми? Огъесе: „Тур, жатхан жеринги ал да жюрю“ дегенми?

Ол адам олсагъат турду да, жатхан жерин алып, барыны да алларында чыкъды, алай бла бары да сейирсинип: «Бир заманда да биз быллай иш кёрмегенбиз!» – деп, Аллахха махтау салдыла.