Popular Bible Verses from Маттай 24

Share

Законсузлукъланы кёбейгенини себебинден, кёпледе сюймеклик сууурукъду. Ахырына дери тёзген а къутхарыллыкъды.

Эмда Аллахны Патчахлыгъыны бу Хайыр Хапары битеу дунияда, битеу миллетлеге шагъатлыкъгъа билдирилликди; сора ол заманда ахыры келликди.

Аны кибик къазауат тауушланы эм уруш хапарланы эшитирсиз. Къарагъыз, къоркъмагъыз; нек десегиз была бары да болургъа керекди. Алай а ол алыкъа дунияны ахыры тюйюлдю.

Нек десегиз миллет миллетге, патчахлыкъ патчахлыкъгъа къажау къазауат этерикди; ачлыкъла, ёлетле эм жер-жерледе жер тебиуле боллукъдула; Была уа бары да аурууланы башланнганыды.

Кёк бла жер жокъ болсала да, Мени сёзлерим а къаллыкъдыла».

Нек десегиз кёпле Мени атым бла: „Масих Менме“ деп келликдиле эмда кёплени жангылтырыкъдыла.

Ол заманда сизни азапха берликдиле, сизни ёлтюрлюкдюле; эмда Мени атым ючюн сизни битеу миллетле кёрюп боллукъ тюйюлдюле. Ол заманда кёпле иймандан таярыкъдыла, бир-бирлерин сатарыкъдыла эм бирбирлерин кёрюп боллукъ тюйюлдюле. Кёп жалгъан файгъамбарла чыгъарыкъдыла, кёплени жангылтырыкъдыла.

Исса алагъа жууапха: «Сакъ болугъуз, сизни бир киши да жангылтмасын.

Ол себепден сиз да хазыр болуп туругъуз, нек десегиз Адам Улу, сиз ойламагъан сагъатда келир.

Алай бла сагъайып туругъуз, нек десегиз Раббийигиз къайсы сагъатда келлигин билмейсиз.

«Ол кюнню бла сагъатны уа бир киши да билмейди, не кёкдеги мёлекле, не Улан, жаланда жангыз Мени Атам биледи.

Нек десегиз жалгъан масихле эм жалгъан файгъамбарла чыгъарыкъдыла; амал болса, сайланнганланы окъуна жангылтыр ючюн уллу илишанла бла сейирликле кёргюзтюрюкдюле.

Алай а Нухну заманында къалай болгъан эсе да, Адам Улуну келгенинде да алай боллукъду. Суу къыяманы аллында кюнледе, Нух кемеге миннген кюннге дери, адамла ашап, ичип, къатын алып, эрге барып Эмда суу къыяма келип, барын да къыргъынчы, акъылларына келтирмегенлери кибик, Адам Улуну келгени да алай боллукъду.