Popular Bible Verses from San Marcos 9

Share

Ha Jesús he'i ichupe: --Ikatu ramo rejerovia, opa mba'e ikatu upe ojeroviávape.

Ha upévove pe mitã ru osapukái asy ha he'i: --¡Ajerovia, che pytyvõmína tajeroviave!

Oike rire Jesús ógape, hemimbo'e kuéra oporandu ichupe ha'eñoháme: --¿Mba'éicha rupi piko ore ndaikatúi ra'e romosẽ? Ha Jesús he'i ichupe kuéra: --Koichagua ko ndaikatúi mba'evépe osẽ, oración ha ayuno rupi mante.

Iporã niko pe juky; ¿ha oñembo'ay ramo pe jukýpa, mba'épe oñemohe'ẽ jevýne? Perekóke juky pende pype voi, ha ta pende py'aguapy oñondive kuéra.

--Oimeraẽva oguerohorýva che rérape mitãmi koichagua, chéve che rerohory; ha pe chéve che rerohorýva, nda che rerohorýi chéve añó, oguerohory pe che mbouharépe avei.

Ha oimeraẽva ome'ẽva peẽme peteĩ vaso ý jepe, peẽ Cristo mba'e hague rehe, añete ha'e peẽme ndopytái chéne haguã oñembyekovia'ỹ rehe ichupe.

‘Ha oimeraẽva omoñepysangáva peteĩ ko'ã michĩmíva che rehe ojeroviávape, iporãve vaerã mo'ã ichupe oñemosaingo rire ijajúra rehe peteĩ ita guasu ha ojeity yguasúpe.

Ha nde resa nde reitýta ramo, enohẽ; iporãve ndéve reike Tupã Ñandejára réinope tesa peteĩ reheve, ha ani, nde resa mokõi reheve, rejeity Aña retãme