Popular Bible Verses from San Marcos 16

Share

Ha he'i ichupe kuéra: --Tapeho opa rupi ko mundo jerekuévo, ha pemoherakuã ko evangelio opa yvypórape.

Ha ko'ã techapyrã omoirũ vaerã umi ogueroviávape: Che rérape omosẽne mba'epochy, oñe'ẽne ñe'ẽ ipyahúvape; ohupi ramo mbói ipópe kuéra, ha ho'u ramo mba'e oporojukáva, ndojapói chéne mba'eve hese kuéra, omoirõ ipo kuéra hasýva ári, okuera vaerã.

Upe ogueroviáva ha ojebautizaukáva, ojesalva vaerã, ha pe oguerovia'ỹva katu oñecondena vaerã.

Ha ha'e kuéra osẽ oñemoñe'ẽ opa rupi, ha oipytyvõ ichupe kuéra Ñandejára Jesús ha omoañete pe iñe'ẽ nguéra umi techapyrã oikóva rupi. Amén.

Ha'e katu he'i ichupe kuéra: --Ani peñemondýitei, peheka niko peína Jesús Nazarénope, pe oñemosaingo va'ekue kurusu rehe; ha'e niko oikove jevýma, ndaiporivéima ápe, péina ápe hendague.

Ha ojesaupívo katu ohecha hikuái pe ita guasuete ojeíma hague. Ha oike hikuái pe sepultúrape, ha ohecha peteĩ karia'y oguapýva hína pe akatúa kotyo, ijao morotĩmbáva, ha tuichaite oñemondýi hikuái.